కోమటిరెడ్డి వెంకట్ రెడ్డికి షోకాజ్ నోటీసులు జారీ చేసిన AICC

కాంగ్రెస్ ఎంపీ కోమటి రెడ్డి సోదరుడు కోమటిరెడ్డి రాజగోపాల్ రెడ్డి కాంగ్రెస్ కు రాజీనామా చేసి బీజేపీ లో చేరడం, మునుగోడు నియోజకవర్గం బీజేపీ అభ్యర్థిగా పోటీచేస్తుండడంతో వెంకటరెడ్డి తన స్వంత పార్టీకి కాకుండా సోదరుడికోసం ప్రచారం చేస్తున్నాడనే ఆరోపణలున్నాయి.

మునుగోడు నియోజకవర్గంలో కాంగ్రెస్ కార్యకర్తలకు ఫోన్లు చేసి ఈ సారి కాంగ్రెస్ కు కాకుండా తన సోదరుడికి ఓటు వేయాలని కోరుతున్నాడు వెంకట రెడ్డి. ఆ ఆడియో లీక్ అవడంతో ఆయన పట్ల కాంగ్రెస్ లో తీవ్ర వ్యతిరేకత వ్యక్తమవుతోంది. ఆ ఆడియో సోషల్ మీడియాలో వైరల్ గా మారింది. ఈనేపథ్యంలో కాంగ్రెస్ అధిష్ఠానం తీవ్రంగా స్పందించింది. దీనిపై వివరణ ఇవ్వాలంటూ కోమటిరెడ్డి వెంకటరెడ్డికి AICC షోకాజ్ నోటీసులు జారీ చేసింది. పార్టీ క్రమశిక్షణ నియమావళిని ఉల్లంఘించారని నోటీసుల్లో పేర్కొంది. దీనిపై 10 రోజుల్లోగా వివరణ ఇవ్వాలని ఆదేశించింది.