తొలి రోజు ముగిసిన ఆట.. భారత్ స్కోర్ ఎంతంటే?

ముంబయి వాంఖ‌డే స్టేడియంలో న్యూజిలాండ్‌తో జ‌రుగుతున్న మూడో టెస్టులో తొలి రోజు ఆట ముగిసింది. మ్యాచ్ ముగిసే సమయానికి భారత్ 86/4 పరుగులు చేసింది. ఇంక భారత్ 149 పరుగులు వెనుకబడి ఉంది.శుభ్‌మ‌న్ గిల్(31 నాటౌట్), రిష‌భ్ పంత్(1)లు క్రీజులో ఉన్నారు. వాంఖ‌డేలో టాస్ ఓడినా తొలి రోజు టీమిండియాకు క‌లిసొచ్చింది. భార‌త బౌల‌ర్లు క‌ట్టుదిట్టంగా బంతులు వేసి న్యూజిలాండ్ బ్యాటర్ల జోరును అడ్డుకున్నారు. ఇక స్పిన్న‌ర్లు ర‌వీంద్ర జ‌డేజా(5/65), వాషింగ్ట‌న్ సుంద‌ర్(4/81)లు మ‌రోసారి రాణించ‌గా 235 ప‌రుగ‌ల‌కే ప్రత్య‌ర్థిని భారత్ ఆలౌట్ చేసింది.