అమెరికా అధ్యక్ష ఎన్నికలు.. అధ్యక్షుడు, మాజీ అధ్యక్షుడి పోస్టులు
ప్రజలంతా ఓటింగ్‌ ప్రక్రియలో పాల్గొనాలని కోరిన జో బైడెన్‌, డొనాల్డ్‌ ట్రంప్‌
అమెరికా అధ్యక్ష ఎన్నికలకు వేళ అయ్యింది. ఈ క్రమంలో ఓటర్లను ఉద్దేశిస్తూ ఆ దేశ అధ్యక్షుడు జో బైడెన్‌, మాజీ అధ్యక్షుడు, రిపబ్లికన్‌ పార్టీ అభ్యర్థి డొనాల్డ్‌ ట్రంప్‌ పోస్టులు చేశారు. ప్రజలంతా ఓటింగ్‌ ప్రక్రియలో పాల్గొనాలని ఇరువురు నేతలు కోరారు.
కమలా హారిస్‌ ట్రంప్‌ను ఓడిస్తుంది: బైడెన్‌
మరికొన్ని గంటల్లో ఎన్నికలు. కమలా హారిస్‌ ట్రంప్‌ను ఓడిస్తుందని నాకు తెలుసు. అందుకే మీరంతా ఓటింగ్‌లో పాల్గొనాలి. ముందస్తు ఓటింగ్‌ను వినియోగించుకోని వారంతా పోలింగ్‌ కేంద్రాలకు వెళ్లి ఓటు వేయండి' అని అధ్యక్షుడు బైడెన్‌ పోస్టులో పేర్కొన్నారు.
ఓటేయండి. శాంతిని పునరుద్ధరించండి: ట్రంప్‌
మన దేశ చరిత్రలో అత్యంత ముఖ్యమైన రాజకీయ ఘట్టానికి చేరువలో ఉన్నాం. అందరూ వచ్చి ఓటు హక్కు ఉపయోగించుకోవాలి. అమెరికాను మళ్లీ గొప్పగా తీర్చిదిద్దుకుందామని పిలుపునిచ్చారు. దేశ రాజకీయ చరిత్రలో అతిపెద్ద, విస్తృతమైన సంకీర్ణాన్ని నిర్మిద్దామన్నారు. శాంతిని కోరుకునే మిచిగాన్‌లోని అనేకమంది అరబ్‌, ముస్లిం ఓటర్లూ ఈ ఓటింగ్‌ ప్రక్రియలో భాగస్వామలవుతారు. కమలా హారిస్‌, ఆమె కేబినెట్‌ అధికారంలోకి వస్తే పశ్చిమాసియా ఆక్రమణకు గురవుతుందని, ఆమె మూడో ప్రపంచ యుద్ధాన్ని ప్రారంభిస్తారని ఓటర్లకు తెలసు. అందుకే ట్రంప్‌నకు ఓటేయండి. శాంతిని పునరుద్ధరించండి' అని ట్రంప్‌ తన ఎక్స్‌ ఖాతాలో రాసుకొచ్చారు.