అన్ని వేరియంట్లకు ఒకటే "సూపర్" మందు

కరోనా వచ్చినప్పటి నుంచి ఇప్పటివరకూ ముప్పతిప్పలు పెడుతుంది. అంతేకాకుండా రోజుకో మ్యుటేషన్ తో వైరస్ తన రూపుని మార్చేసుకుంటుంది. అందుకే వ్యాక్సిన్ కనుగొన్నా, మెడిసిన్ కనుగొందామన్నా చాలా ఇబ్బందిగా మారుతుంది. అందుకే ఈ సారి సైంటిస్టులు ఓ మాస్టర్ ప్లాన్ వేశారు. అదేంటంటే..

రోజుకో రూపు మార్చుకుంటున్న వైరస్ కు ఒకే యాంటీబాడీతో చెక్ పెట్టే పనిలో పడ్డారు అమెరికన్ శాస్త్రవేత్తలు. అన్నిరకాల కరోనా వైరస్‌లను కనిపెట్టగలిగే ఓ కొత్త యాంటీబాడీని గుర్తించారు. మొత్తం 12 యాంటీబాడీల మీద అధ్యయనం చేసి ఎస్‌2హెచ్‌97 అనే ఓ యాంటీబాడీని కనిపెట్టారు. ఇది అన్నిరకాల కరోనా వైరస్‌ ప్రొటీన్లకు అంటుకుపోయి, వైరస్ కణాల్లోకి విస్తరించకుండా చేస్తుంది. అంటే వేరియంట్లతో పనిలేకుండా అన్నిరకాల కరోనా వైరస్ లను అడ్డుకోలదన్నమాట. ఈ యాంటీబాడీని సూపర్ యాంటీ బాడీ అని పిలుస్తున్నారు.

ఈ సూపర్ యాంటీ బాడీ అన్ని రకాల వైరస్‌ వేరియంట్ల నుంచి రక్షణ కల్పిస్తోందని వారు అంటున్నారు. కరోనా వేరియంట్లలో కొన్ని రకాలు యాంటీబాడీల పట్టు నుంచీ తప్పించుకునే సామర్థ్యాన్ని పెంపొందించుకున్నాయి. అయితే ఈ సూపర్ యాంటీబాడీతో ఈ సమస్యను ఎదుర్కోవచ్చు. అన్నిరకాల వైరస్ లను కణాల్లోకి ఎంటర్ అవ్వకుండా అడ్డుకోవచ్చు. ఈ యాంటీబాడీ సక్సెస్ అయితే ఇక వేరింయంట్ల భయం కూడా ఉండదు. అన్నిరకాల వైరస్‌లకు ఒకే టీకా, ఒకే చికిత్స పనిచేసేలా చేయొచ్చు.