ఏపీ ప్రభుత్వం మరో కీలక నిర్ణయం

ఆంధ్రప్రదేశ్ ప్రభుత్వం మరో కీలక నిర్ణయం తీసుకుంది. ఏపీలోని గ్రామ, వార్డు వాలంటీర్లకు ఒక్కొక్కరికి 50 లక్షల బీమా సౌకర్యాన్ని కల్పించింది.

కరోనా నివారణ చర్యల్లో గ్రామ, వార్డు వాలంటీర్లు ముందుండి పనిచేస్తున్న నేపథ్యంలో ఈ బీమా సౌకర్యాన్ని కల్పించాలని ముఖ్యమంత్రి జగన్‌మోహన్ రెడ్డి నిర్ణయించారు. ప్రధాని గరీబ్ కల్యాణ్‌ ప్యాకేజ్‌ కింద ఈ బీమాను కల్పిస్తారు.

కరోనా నివారణ చర్యలు, కుటుంబ సర్వే వంటి కార్యక్రమాల్లో పాల్గొంటున్న వాలంటీర్లకు బీమా ఉండాల్సిన అవసరం ఉందని ఏపీ ప్రభుత్వం భావించింది.

ప్రస్తుతం ఏపీలో 2 లక్షల 60వేల మంది గ్రామ, వార్డు వాలంటీర్లు ఉన్నారు. వారందరికీ బీమా వర్తిస్తుంది. ఇప్పటికే డాక్టర్లు, నర్సులు, ఇతర వైద్య సిబ్బందికి బీమాను కల్పించారు.