ధన పిశాచిని చూసి జనం బాధపడుతున్నారు...

ప్రతిపక్షనాయకుడు వైఎస్ జగన్ అసలైన విలన్ అని టీడీపీ నేత ఆనంరామనారాయణరెడ్డి విమర్శించారు. జగన్ ఎప్పటికీ హీరో కాలేరని చెప్పారు. 36రీళ్ల తర్వాత కూడా చంద్రబాబునే ప్రజలు మరోసారి హీరోను చేస్తారన్నారు. జగన్‌ను చూస్తేనే విలన్ గుర్తుకొస్తారన్నారు. ఒక ధన పిశాచానికి ప్రతిపక్ష హోదా కట్టబెట్టినందుకు ప్రజలు బాధపడుతున్నారని విమర్శించారు. జగన్‌కు రాజకీయంగా పతనం తప్పదని చెప్పారు.

ముద్రగడపై జగన్ మొసలికన్నీరు కారుస్తున్నారని ఆయన విమర్శించారు. కాపుల అభివృద్ధి కోసం ప్రభుత్వం చేస్తున్న కృషిని జగన్‌ అడ్డుకుంటున్నారని మండిపడ్డారు. కాపుల రిజర్వేషన్ల అంశం చాలా సున్నితమైనదని దాన్ని పరిష్కరించేందుకు చంద్రబాబు ప్రయత్నిస్తున్నారని చెప్పారు. వ్యవస్థలనే జగన్‌ బెదిరిస్తున్నారని ఆనం విమర్శించారు. ఇప్పుడు మాట్లాడుతున్న కాపు నాయకులు మంజునాధ కమిషన్‌ను ఎందుకు కలవలేదని, కలిసే తీరిక కూడా లేదా? అని ఆయన ప్రశ్నించారు. మొత్తం మీద ఈ మధ్య ఆనం రామనారాయణరెడ్డి వరుస ప్రెస్‌మీట్లు పెట్టి దూకుడు పెంచారు. జగన్‌ను తిట్టడం, చంద్రబాబును పొగడడంలో ముందుంటున్నారు.

Click on Image to Read: