ఆ మూడు ఫామ్‌ హౌస్‌ లు ఎక్కడున్నాయ్‌

తన ముగ్గురు కుమారుల ఫామ్‌ హౌస్‌ లు ఎక్కడున్నాయో చూపించాలని సీఎం రేవంత్‌ రెడ్డికి మాజీ మంత్రి సబితా ఇంద్రారెడ్డి సవాల్‌ విసిరారు. తన కొడుకు కడుతున్న ఇల్లు మినహాయించి మూడు ఫాం హౌస్‌ లు ఎక్కడున్నాయనే వివరాలను ప్రజలు ముందు పెట్టాలని డిమాండ్‌ చేశారు. తన కుటుంబాన్ని ఉద్దేశించి గురువారం సీఎం చేసిన కామెంట్స్‌ పై ఆమె 'ఎక్స్‌' వేదికగా స్పందించారు. ''రేవంత్ రెడ్డి గారు ఆత్మాభిమానం కన్నా మించిన ఆస్తి లేదని నమ్ముతున్న వ్యక్తిని నేను. మీలా మరి ఇంకొందరిలా 'పేద ఏడుపులు' ఏడ్చే సందర్భం ఆ దేవుడు కల్పించలేదు. మిమ్మల్ని, మీ మాట తీరుని ఈ తెలంగాణ సమాజం గమనిస్తుంది, మీ విజ్ఞతకే వదిలేస్తున్నాను.. మీరు ఎన్ని రకాలుగా వ్యక్తిగతంగా టార్గెట్ చేసిన ప్రజల తరఫున ప్రశ్నిస్తూనే ఉంటాను..'' అని తేల్చిచెప్పారు.