సీఎం చంద్రబాబును కలిసిన టీటీడీ చైర్మన్ బీఆర్ నాయుడు

ఏపీ సీఎం చంద్రబాబును టీటీడీ చైర్మన్ బీఆర్ నాయుడు సచివాలయంలో మర్యాదాపూర్వకంగా కలిశారు. తిరుమల ఛైర్మన్‌గా బాధ్యతలు చేపట్టిన తర్వాత తొలిసారిగా ముఖ్యమంత్రితో భేటీ అయ్యారు. అనంతరం డిప్యూటీ సీఎం పవన్ కళ్యాణ్, మంత్రి నారా లోకేశ్‌లను కలిసి శ్రీవారి ప్రసాదాన్ని అందజేశారు.”బోర్డు లేకపోయినా బ్రహ్మోత్సవాలను చాలా బ్రహ్మాండంగా నిర్వర్తించారు. ముఖ్యమంత్రి చంద్రబాబు సలహాలు మేరకు ఈ కార్యక్రమాలన్నీ చేశారు. ముఖ్యమంత్రి చంద్రబాబుకి, అధికారులకు నూతన బోర్డు తరుపున ధన్యవాదాలు తెలియజేసుకుంటున్నా. శ్రీవారి ఆలయ పవిత్రతను కాపాడుతూ, ప్రతిష్టను పెంచేలా చర్యలు చేపడతాం. భక్తుల మనోభావాలు దెబ్బతినకుండా వ్యవహరిస్తాం” అని బీఆర్ నాయుడు తెలిపారు.