హైదరాబాద్‌లో ఫార్ములా ఈ రేస్‌కు రంగం సిద్ధం... ఎల్లుండి నుంచి స్టార్ట్

శనివారం జరిగే ABB FIA ఫార్ములా E ప్రపంచ ఛాంపియన్‌షిప్ రేసు కోసం హైదరాబాద్ సర్వసన్నద్ధమైంది. ఈ భారతదేశపు మొట్టమొదటి ఫార్ములా E రేసు హుస్సేన్ సాగర్ చుట్టూ 2.8-కిమీ ట్రాక్‌లో జరుగుతుంది. ఇందులో మొత్తం 18 మలుపులు ఉంటాయి.

20,000 మంది ప్రేక్షకులు ఈ రేస్ ను చూసేందుకు వీలుగా ఏర్పాట్లు జరిగాయి. ఇందులో నాలుగు రకాల టిక్కెట్లున్నాయి. రూ.1,000 ధర ఉన్న గ్రాండ్‌స్టాండ్, రూ.4,000 ధర కలిగిన చార్జ్డ్ గ్రాండ్‌స్టాండ్ టిక్కట్లు మొత్తం ఇప్పటికే అమ్ముడయ్యాయి. ప్రీమియం గ్రాండ్‌స్టాండ్ - రూ. 7,000, ఏస్ గ్రాండ్‌స్టాండ్ ధర రూ. 10,500 టిక్కెట్లు ఇంకా ఉన్నాయి. 1.25 లక్షల రూపాయల‌ ఏస్ లాంజ్ ప్యాకేజీ కూడా ఉంది.

ఫార్ములా E, ఇతర మోటార్‌స్పోర్ట్‌ల మధ్య ప్రధాన వ్యత్యాసం కార్లు. అన్ని కార్లు ఎలక్ట్రిక్, 250kW బ్యాటరీతో నడిచేవి. ఇవి గంటకు 280కిమీ వేగంతో దూసుకుపోగలవు.

పూర్తి వేగంతో రేసింగ్ చేస్తున్నప్పుడు కార్ల శబ్దం స్థాయిలు కేవలం 80 డెసిబుల్స్ మాత్రమే ఉంటాయి. ఈ కార్లకు హైబ్రిడ్ టైర్లను ఉపయోగిస్తారు. ఈ కార్లు అన్ని వాతావరణ పరిస్థితులలో నడిచే విధంగా రూపొందించబడ్డాయి.

ఈ ఫార్ములా E రేసులో 11 జట్లు, 22 మంది డ్రైవర్లు పాల్గొంటున్నారు.