సంక్రాంతి పండుగ వేళ.. 187 ఏఎస్‌ఐలకు ప్రమోషన్

సంక్రాంతి పండుగ పూట తెలంగాణ ప్రభుత్వం పోలీసు ఏఎస్‌ఐలకు గుడ్ న్యూస్ చెప్పింది. 1989, 1990 బ్యాచ్‌కు చెందిన పోలీసులకు పదోన్నతి కల్పించింది.హైదరాబాద్ రీజియన్‌లోని 187 ఏఎస్‌ఐలకు ఎస్‌ఐలుగా ప్రమోషన్ ఇచ్చింది. ఈ మేరకు డీజీపీ జితేందర్ఆదేశాలకు మేరకు ప్రమోషన్లు ఇస్తూ మల్టీ జోన్ - 2 ఐజీపీ సత్యనారాయణ ఇవాళ ఆదేశాలు జారీ చేశారు. ఆ 187 మంది ఏఎస్సైలు తాజాగా ప్రీ ప్రమోషనల్ ట్రైనింగ్ పూర్తి చేసినట్లు సమాచారం. ట్రైనింగ్ పూర్తయిన వెంటనే వారికి పదోన్నత్తులు కల్పిస్తూ ప్రభుత్వం ఉత్తర్వులు జారీ చేసింది. దీంతో వారు, వారి కుటుంబ సభ్యులు హర్షం వ్యక్తం చేస్తున్నారు.