టీజీపీఎస్సీ చైర్మన్‌ నియామకానికి నోటిఫికేషన్‌

తెలంగాణ పబ్లిక్‌ సర్వీస్‌ చైర్మన్‌ నియామకానికి నోటిఫికేషన్‌ విడుదలైంది. ప్రస్తుత చైర్మన్‌ మహేందర్‌ రెడ్డి పదవీకాలం డిసెంబర్‌ 3వ తేదీతో ముగియనుంది. ఆయన స్థానంలో కొత్త చైర్మన్‌ ను నియమించాల్సి ఉంది. అర్హులైన వాళ్లు ఈనెల 20న సాయంత్రం 5 గంటలలోగా నిర్దేశిత ఫార్మాట్‌ లో గల తమ దరఖాస్తులను prlsecy-ser-gpm-gad@telangana.gov.in ఈమెయిల్‌ ఐడీకి పంపాలని సూచించారు. చైర్మన్‌ పోస్టుకు అర్హతలు, నోటిఫికేషన్‌, ఇతర వివరాల కోసం www.telangana.gov.in వెబ్‌ సైట్‌ ను సందర్శించాలని తెలిపారు. టీజీపీఎస్సీ చైర్మన్‌ గా నియమితులయ్యే వారు ఐదేళ్లు లేదా 60 ఏళ్లు వచ్చే వరకు పదవిలో కొనసాగవచ్చు. డీజీపీగా రిటైర్డ్‌ అయిన మహేందర్‌ రెడ్డిని టీజీపీఎస్సీ చైర్మన్‌ గా నియమించారు. ఆయన ఏడాది కాలం మాత్రమే పదవిలో ఉన్నారు.