లారీ బీభత్సం.. ముగ్గురి మంది మృతి

రంగారెడ్డి జిల్లాలో ఘోర ప్రమాదం జరిగింది. చేవెళ్ల మండలం ఆలూరు గేటు వద్ద కూరగాయల లోడ్‌తో వెళ్లున్న లారీ అదుపుతప్పి వ్యాపారులపైకి దూసుకెళ్లింది. ఈ ఘటనలో ముగ్గురి మంది మృతి చెందారు. పలువురికి గాయాలయ్యాయి. హైదరాబాద్-బీజాపూర్ రహదారిపై ఈ ప్రమాదం జరిగింది. మృతుల సంఖ్య పెరిగే అవకాశం ఉంది.విషయం తెలిసిన వెంటనే ఘటనా స్థలానికి చేరుకున్న పోలీసులు సహాయక చర్యలు చేపట్టారు. మృతులను రాములు (ఆలూరు), ప్రేమ్‌ (ఆలూరు), సుజాత (ఖానాపూర్‌)గా గుర్తించారు. ఈ ఘటనలో మరికొందరికి గాయాలైనట్లు తెలుస్తోంది. క్షతగాత్రులను చేవెళ్ల ప్రభుత్వ ఆస్పత్రికి తరలించారు. ఈ ఘటనలో మృతుల సంఖ్య పెరిగే అవకాశం ఉన్నట్లు సమాచారం.ప్రమాద సమయంలో మొత్తం 50 మందికి పైగా వ్యాపారులు రోడ్డుపై కూరగాయలు అమ్ముకుంటున్నట్లు సమాచారం. కేసు నమోదు చేసుకున్న పోలీసులు దర్యాప్తు ప్రారంభించారు. మృతుల వివరాలు తెలియాల్సి ఉంది.