'నమ్మి నానబోస్తే 'లఘు చిత్రాన్ని వీక్షించిన కేటీఆర్

కాంగ్రెస్ ప్రభుత్వం గ‌ద్దెనెక్కి నేటికి ఏడాది పూర్త‌యింది. అయినా ఏం లాభం.. ఏ ఒక్క హామీ నెర‌వేర‌లేదు. అభివృద్ధి, సంక్షేమానికి చోటే లేదు. హామీల‌న్నీ నీటి మీద రాత‌లు గానే మిగిలిపోయాయి. ప్ర‌జ‌లకు క‌న్నీళ్లు మిగిలాయి. ఈ నేప‌థ్యంలో బీఆర్ఎస్ మాజీ ఎమ్మెల్యే ర‌స‌మ‌యి బాల‌కిష‌న్.. రేవంత్ స‌ర్కార్‌ను విమ‌ర్శిస్తూ ఓ పాట‌ను రూపొందించారు. 'నమ్మి నానబోస్తే 'లఘు చిత్రాన్నిమాజీ మంత్రి కేటీఆర్ తెలంగాణ భవన్‌లో విడుదల చేసి పార్టీ నేతలతో కలిసి వీక్షించారు. 22 నిమిషాల నిడివి గల ఈ షార్ట్ ఫిలిం తో పాటు 'అంతా ఉత్తదే 'అనే పేరిట రసమయి పాడిన పాటను కూడా ప్రదర్శించారు.

షార్ట్ ఫిలిం రాష్ట్రం లో నెలకొన్న పరిస్థితులను కళ్ళకు కట్టినట్టు వివరించిందని కేటీఆర్ అన్నారు. ఈ కాంగ్రెస్ ప్రభుత్వాన్నికి ఓట్లేసే గెలిపిస్తే.. తెలంగాణ‌కు పాణ‌గండం అయిపాయే ఓరి దేవుడా అని వ్యంగ్యాస్త్రాలు సంధించారు. ల‌క్ష రూపాయాలు, తులం బంగారం, ఇందిర‌మ్మ ఇండ్లు, పెన్ష‌న్లు, రుణ‌మాఫీ, రైతుభ‌రోసా, రైతుకూలీ, అన్ని వ‌డ్ల‌కు బోన‌స్‌.. అన్నీ ఉత్త‌యే అని పేర్కొన్నారు. ఈ బ్యాగు పార్టీ మాట‌ల‌న్నీ నీటి మూట‌లే అని విమ‌ర్శించారు. న‌మ్ముకున్న రైతుల‌ను నిండా ముంచెనే అని రేవంత్ రెడ్డిని ర‌స‌మ‌యి దుయ్య‌బ‌ట్టారు. శాసమండలి ప్రతిపక్ష నేత ఎస్ మధుసుధనా చారి, దేశపతి శ్రీనివాస్ మాజీ ఎమ్మెల్సీ కర్నె ప్రభాకర్, రసమయిను అభినందించారు.