జిల్లాల అధ్యక్షులు 12 మందిపై వేటు.. ఎందుకంటే..?

లోక్‌సభ ఎన్నికలు సమీపిస్తున్న వేళ తెలంగాణ బీజేపీ కీలక నిర్ణయం తీసుకుంది. జిల్లాల‌ అధ్యక్షులు 12 మందిపై వేటు వేసింది. వారి స్థానంలో కొత్త అధ్యక్షులను నియమించింది. అలాగే, బీజేపీ మోర్చాలకు సైతం కొత్త అధ్యక్షులను ప్రకటించింది. ఈ మేరకు పార్టీ రాష్ట్ర కార్యాలయం ఉత్తర్వులు జారీచేసింది. కొత్తగా నియమితులైన జిల్లా అధ్యక్షులకు.. పార్టీ రాష్ట్ర ప్రధాన కార్యదర్శి ఫోన్ చేసి సమాచారం ఇచ్చారు.

12 జిల్లాల కొత్త అధ్యక్షులు వీళ్లే:

పెద్దపల్లి - చందుపట్ల సునీల్

నిజామాబాద్ - దినేష్ కుమార్

వరంగల్ - గంట రవి

ములుగు - బలరాం

మహబూబ్ నగర్ -శ్రీనివాస్ రెడ్డి

నారాయణపేట - జలంధర్ రెడ్డి.

వనపర్తి - నారాయణ

నల్గొండ - డాక్టర్ వర్షిత్ రెడ్డి

యాదాద్రి - పాశం భాస్కర్

సిద్దిపేట - మోహన్ రెడ్డి

సంగారెడ్డి - గోదావరి అంజిరెడ్డి

వికారాబాద్ - మాధవరెడ్డి

మోర్చాల కొత్త అధ్యక్షులు వీళ్లే:

ఎస్సీ మోర్చా - కొండేటి శ్రీధర్

ఎస్టీ మోర్చా - కల్యాణ్ నాయక్

ఓబీసీ మోర్చా - ఆనంద్ గౌడ్

కిసాన్ మోర్చా - పెద్దోళ్ల గంగారెడ్డి

యువ మోర్చా - మహేందర్

మహిళా మోర్చా - డాక్టర్ శిల్ప

అధ్యక్షుల మార్పుపై భిన్నమైన వాదనలు వినిపిస్తున్నాయి. లోక్‌సభ ఎన్నికలకు కిషన్‌రెడ్డి తన టీమ్‌ను సిద్ధం చేసుకున్నారనే చర్చ జరుగుతోంది. అలాగే అసెంబ్లీ ఎన్నికల టైమ్‌లో పార్టీ కోసం సరిగ్గా పనిచేయకుండా, పార్టీకి వ్యతిరేకంగా పనిచేసినవాళ్లపైనే ఈ వేటు పడిందని బీజేపీ వర్గాలు చెబుతున్నాయి. దీర్ఘకాలికంగా అధ్యక్షులుగా ఉండటం కూడా మార్పున‌కు కారణంగా చెబుతున్నారు.