ఈ నెల 8 నుంచి సీఎం రేవంత్ రెడ్డి పాదయాత్ర

ముఖ్యమంత్రి రేవంత్‌రెడ్డి ఈ నెల 8నుంచి పాదయాత్ర చేపట్టనున్నారు. ఈ నెల 8న తన పుట్టిన రోజు సందర్భంగా యాదాద్రి లక్ష్మీనరసింహస్వామిని దర్శించుకోనున్నారు. అనంతరం యాదాద్రి భువనగిరి జిల్లాలో మూసీ వెంట పాదయాత్ర చేయనున్నారు. పాదయాత్రలో మూసీ పరివాహక ప్రాంతంలోని రైతులు, ప్రజలను కలిసి, వారి ఇబ్బందులను సీఎం అడిగి తెలుసుకోనున్నారు. కాగా, ముఖ్యమంత్రి పర్యటన నేపథ్యంలో ప్రభుత్వ విప్ బీర్ల ఐలయ్య హెలిప్యాడ్, ఆలయ పరిసరాలను పరిశీలించారు.

అధికారులకు పలు సూచనలు చేశారు. ఏర్పాట్లలో ఎలాంటి లోటుపాట్లు ఉండొద్దని అధికారులను ఆదేశించారు. డిప్యూటీ సీఎం అధ్యక్షతన మంత్రివర్గ ఉపసంఘం సమావేశం నిధుల సమీకరణపై మంత్రివర్గ ఉపసంఘం సమావేశమైంది. ఈ కార్యక్రమంలో మంత్రులు శ్రీధర్‌బాబు, ఉత్తమ్‌ కుమార్‌ రెడ్డి పాల్గొన్నారు. ఖజానాకు అదనపు నిధుల సమీకరణపై సమావేశంలో చర్చించారు. సంబంధిత శాఖల అధికారులతో ఉపసంఘం చర్చలు సాగాయి.