ఐదు సార్లు ఎమ్మెల్యే...అయిన క్యూలైన్‌లో

ఐదు సార్లు ఎమ్మెల్యేగా గెలిచిన మాజీ ఎమ్మెల్యే గుమ్మడి నర్సయ్య.. భద్రాద్రి కొత్తగూడెం జిల్లా పాల్వంచలోని ఎల్బీ ప్రసాద్ ఆస్పత్రిలో కంటి పరీక్షల కోసం ఆయన వచ్చారు. అక్కడ అందరితోపాటే ఓపీ చీటీ తీసుకుని వైద్యుల గది ముందు క్యూలో వేచి ఉండి తన వంతు వచ్చాక పరీక్ష చేయించుకున్నారు. వార్డుమెంబర్, ఎంపీటీసీలే హంగూ ఆర్భాటాలతో జీవిస్తుండగా 25 ఏళ్ళు ఎమ్మెల్యేగా కొనసాగిన గుమ్మడి నరసయ్య అందుకు విరుద్దంగా ఉండటంతో పలువురు అభినందిస్తున్నారు.సైకిల్‌పై వెళ్లడం, ఆర్టీసీ బస్సుల్లో ప్రయాణించడం వంటివి ఆయన విషయంలో సర్వ సాధారణంగా కనిపిస్తాయి.