టీచర్ల కౌన్సెలింగ్‌కు బ్రేక్‌

తెలంగాణ డీఎస్సీ ఉపాధ్యాయుల పోస్టింగ్‌ కౌన్సెలింగ్‌ వాయిదా పడింది. రాష్ట్రవ్యాప్తంగా ఉపాధ్యాయ పోస్టింగ్‌ కౌన్సెలింగ్‌ వాయిదా వేస్తున్నట్లు విద్యాశాఖ ప్రకటించింది. తదుపరి కౌన్సెలింగ్‌ తేదీలు త్వరలోనే ప్రకటిస్తామని వెల్లడించింది.

డీఎస్సీ-2024 ద్వారా ఉపాధ్యాయ నియామకపత్రాలు అందుకున్న 10,006 మంది కొత్త టీచర్లకు ఇవాళ పాఠశాల విద్యాశాఖ అధికారులు పోస్టింగులు ఇవ్వనున్నట్లు తెలిపింది. నూతన టీచర్లు ఆయా డీఈవోలు సూచించిన కార్యాలయాల్లో జరిగే కౌన్సెలింగ్‌కు హాజరుకావాలన్నది. వారు తమకు కేటాయించిన పాఠశాలలలో ఈ నెల 16వ తేదీన చేరాల్సి ఉంటుందని, వారి చేరిన స్థానంలో మూడు నెలల కిందట బదిలీఅయి రిలీవ్‌ కాని వారు ఉంటే గత జులైలో కేటాయించిన పాఠశాలకు వెళ్తారని, అలాంటి వారు దాదాపు 7 వేల మంది ఉన్నారు. పోస్గింగ్‌ల కేటాయింపు మంగళవారం దాదాపు పూర్తవుతుందని, ఏవైనా మిగిలితే బుధవారం కూడా జరుగుతుందని విద్యా శాఖ వర్గాలు చెప్పాయి.సాంకేతిక కారణాలో కౌన్సెలింగ్‌ వాయిదా వేసినట్లు చెబుతున్నారు. అయితే ఈ నెల 9వ తేదీన ఎల్బీ స్టేడియంలో అట్టహాసంగా నియామక పత్రాలు అందించి , పోస్టింగులు ఇస్తామని చెప్పి అర్ధాంతరంగా కౌన్సెలింగ్‌ వాయిదా వేస్తున్నట్లు విద్యాశాఖ ప్రకటించడంపై అభ్యర్థులు అసంతృప్తి వ్యక్తం చేస్తున్నారు.