టీ20 క్రికెట్‌లో జింబాబ్వే వరల్డ్ రికార్డు.. ఏకంగా 344 రన్స్

టీ20 క్రికెట్ చరిత్రలో జింబాబ్వే వరల్డ్ రికార్డు బద్దలు కొట్టింది. 20 ఓవర్లలో ఏకంగా 344 రన్స్ చేసింది. నైరోబీలోని రురాకా స్పోర్ట్స్ క్లబ్ గ్రౌండ్‌లో జరిగిన ఐసీసీ పురుషుల టీ20 ప్రపంచ కప్ సబ్ రీజినల్ ఆఫ్రికా క్వాలిఫయర్ మ్యాచ్ లో ఈ అద్భుతం జరిగింది. గ్రూప్ బి లో భాగంగా గాంబియాతో జరిగిన మ్యాచ్‌లో జింబాబ్వే 20 ఓవర్లలో 4 వికెట్లు కోల్పోయి 344 పరుగులు చేసింది.

జింబాబ్వే కెప్టెన్ సికందర్ రజా కేవలం 33 బంతుల్లోనే సెంచరీ సాధించాడు. సికందర్ రాజా 43 బంతుల్లో 133 పరుగులు చేసి అజేయంగా నిలిచాడు. 15 సిక్సర్లు, 7 ఫోర్లతో గాంబియాపై సికిందర్ రజా విధ్వంసంకర ఇన్నింగ్స్ ఆడటంతో జింబాబ్వే 344 రన్స్ చేసింది. తద్వారా జింబాబ్వే ఐసీపీ టీ20 క్రికెట్ చరిత్రలో అత్యధిక స్కోర్ చేసిన జట్టుగా నిలిచింది. గతంలో టీ20ల్లో అత్యధిక స్కోరు చేసిన రికార్డు నేపాల్ (314/3) పేరిట ఉండేది. ఈ రికార్డును జింబాబ్వే బద్దలు కొట్టింది.

జింబాబ్వే.. 344/4 (గాంబియాపై, 2024)

నేపాల్.. 314/3 (మంగోలియాపై, 2023)

భారత్.. 297/6 (బంగ్లాదేశ్‌పై, 2024)

జింబాబ్వే.. 286/5 (సీషెల్స్‌పై, 2024)

అఫ్గానిస్థాన్.. 278/3 (ఐర్లాండ్‌పై, 2019)

చెక్‌ రిపబ్లిక్.. 278/4 (తుర్కియేపై. 2019)