నటి తునీషా శర్మ మరణంపై "లవ్ జిహాద్" రచ్చ మొదలుపెట్టిన బీజేపీ
సినిమా, సీరియల్ నటి తునీషా శర్మ మరణం లవ్ జీహాద్ అంటూ బీజేపీ అప్పుడే రచ్చ మొదలు పెట్టింది. భారతీయ జనతా పార్టీ ఎమ్మెల్యే రామ్ కదమ్ ఈ రోజుఈ విధమైన ఆరోపణలకు పూనుకున్నారు. ఈ లవ్ జీహాదీ వెనక ఏం సంస్థలున్నాయో , కుట్రదారులెవరో మొత్తం దర్యాప్తులో బైటపడుతుందన్నారాయన.
మహారాష్ట్రకు చెందిన సినిమా, సీరియల్ నటి తునీషా శర్మ ఆత్మహత్య చేసుకున్న విషయం తెలిసిందే. 'అలీ బాబా: దాస్తాన్-ఈ-కాబూల్' టీవీ షో సెట్స్‌లో తునిషా శర్మ నిన్న ఆత్మహత్య చేసుకుంది. తునిషా శర్మ, ఆమె సహనటుడు షీజాన్ మహ్మద్ ఖాన్ రిలేషన్ షిప్ లో ఉన్నారు. 15 రోజుల క్రితం వీరిద్దరూ విడిపోయారని, ఆమె ఆత్మహత్యకు ఖాన్ కారణమంటూ తునీషా తల్లి పోలీసులకు ఇచ్చిన ఫిర్యాదు మేరకు ఖాన్ ను పోలీసులు అరెస్టు చేసి రిమాండ్ కు పంపారు.
ఈ నేపథ్యంలో ఇది లవ్ జీహాద్ అంటూ బీజేపీ అప్పుడే రచ్చ మొదలు పెట్టింది. భారతీయ జనతా పార్టీ ఎమ్మెల్యే రామ్ కదమ్ ఈ రోజుఈ విధమైన ఆరోపణలకు పూనుకున్నారు. ఈ లవ్ జీహాదీ వెనక ఏం సంస్థలున్నాయో , కుట్రదారులెవరో మొత్తం దర్యాప్తులో బైటపడుతుందన్నారాయన.
"ఆత్మహత్యకు కారణమేంటి? ఇందులో లవ్ జిహాద్ ఉందా? లేక మరేదైనా సమస్య ఉందా.. దర్యాప్తులో నిజానిజాలు తేలుతుంది, అయితే తునీషా శర్మ కుటుంబానికి 100 శాతం న్యాయం జరుగుతుంది. ఇది లవ్ జిహాద్ అయితే. , దీని వెనుక ఏ సంస్థలు ఉన్నాయి, కుట్రదారులు ఎవరో కూడా పోలీసులు దర్యాప్తు చేస్తారు, "అన్నారాయన.
ముంబైలోని వసాయ్ కోర్టు ఈ మధ్యాహ్నం షీజన్ మహ్మద్ ఖాన్‌ను నాలుగు రోజుల పోలీసు కస్టడీకి పంపింది. కోర్టు వద్ద, ఖాన్ న్యాయవాది, శరద్ రాయ్, మీడియాతో మాట్లాడుతూ, "ఏం జరిగినా, పోలీసులు, కోర్టు చూసుకుంటాయి. అతనిపై ఆరోపణలు నిరాధారమైనవి." అన్నారు.
మరో సహనటుడు పార్త్ జుట్షిని పోలీసులు ఆదివారం ఈ ఘటనపై విచారణకు పిలిచారు.
పోలీస్ స్టేషన్ వెలుపల మీడియాతో మాట్లాడుతూ, సంఘటన జరిగిన సమయంలో తాను సెట్స్‌లో లేనని పేర్కొన్న పార్త్ జుట్షి, "నన్ను పోలీసులు ప్రశ్నించడానికి పిలిచారు. సాధారణ ప్రశ్నలు అడిగారు. నేను ఆమె సంబంధాల పై వ్యాఖ్యానించలేను అది ఆమె అంతర్గత విషయం." అన్నారు.
20 ఏళ్ల తునీషా శర్మ షూటింగ్ సమయంలో టీ బ్రేక్ తర్వాత వాష్‌రూమ్‌లో ఉరి వేసుకుని కనిపించారు; ఎంతసేపటికి ఆమె బయటకు రాకపోవడంతో తలుపులు బద్దలు కొట్టాల్సి వచ్చిందని వలీవ్ పోలీసులు తెలిపారు. షూటింగ్ సిబ్బంది ఆమెను తెల్లవారుజామున 1:30 గంటలకు ఆసుపత్రికి తీసుకెళ్లారు, అక్కడ ఆమె చనిపోయినట్లు ప్రకటించారు.
తునీషా శర్మ ఆత్మహత్య చేసుకొని చనిపోయిందని ఆమె సహచరులు పేర్కొన్నారు. పోలీసులు సంఘటనా స్థలంలో విచారణ జరిపారు. ఎటువంటి సూసైడ్ నోట్ లభించలేదని చెప్పారు. ఆమె మృతిపై హత్య, ఆత్మహత్య కోణాల్లోనూ దర్యాప్తు చేస్తామని చెప్పారు పోలీసులు.