ఇండిగో విమానాలకు ఆగని బాంబు బెదిరింపులు

భారత్‌కు చెందిన విమానాలకు వరుస బాంబు బెదిరింపులు ప్రజల్లో ఆందోళన కలిస్తున్నాయి. విమానయాన సంస్థలు ఎన్ని జాగ్రత్తలు తీసుకుంటున్నా.. ఇవి ఆగడం లేదు. ఈ నేపథ్యంలోనే మంగళవారం మరో 10 విమానాలకు బాంబు బెదిరింపులు వచ్చినట్లు ఇండిగో ఎయిర్‌లైన్స్‌ అధికారులు వెల్లడించారు. దేశీయ సర్వీసులే కాకుండా జెడ్డా, ఇస్తాంబుల్‌, రియాద్‌ లాంటి అంతర్జాతీయ సర్వీసులను లక్ష్యంగా చేసుకుని ఇవి వచ్చాయని పేర్కొన్నారు. ఈ వారంలో ఇండిగో ఎయిర్‌లైన్స్‌కు మొత్తం 100కుపైగా హెచ్చరికలు వచ్చాయని తెలిపారు. జెడ్డా, ఇస్తాంబుల్‌, రియాద్‌ అంతర్జాతీయ మార్గాల్లో ప్రయాణించే విమానాలకు మంగళవారం బాంబు బెదిరింపులు రావడంతో మా సిబ్బంది వెంటనే అప్రమత్తయ్యారు. ప్రయాణికులను తరలించి.. తనిఖీలు నిర్వహిస్తున్నామని ఇండిగో ఉన్నతాధికారులు తెలిపారు.