గ‌డ్డి కోసం గొడ‌వ‌.. ఇరువ‌ర్గాల దాడుల్లో ఐదుగురు మృతి

ఇద్ద‌రు వ్య‌క్తుల మ‌ధ్య ప‌శుగ్రాసం విష‌యంలో త‌లెత్తిన గొడ‌వ.. రెండు వ‌ర్గాల మ‌ధ్య కుంప‌టి రేపింది. మూడు రోజుల క్రితం జ‌రిగిన ఈ ఘ‌ట‌నకు సంబంధించి ఇరువ‌ర్గాల వారూ పోలీసు కేసుల వ‌ర‌కూ వెళ్లారు. బుధ‌వారం మ‌రోసారి వీరిమ‌ధ్య గొడ‌వ చెల‌రేగి.. ఇరు వ‌ర్గాల వారూ కాల్పుల‌కు దిగారు. ఈ ఘ‌ట‌న‌లో ఐదుగురు మృతిచెంద‌గా, మ‌రో 8 మంది తీవ్రంగా గాయ‌ప‌డ్డారు. మ‌ధ్య‌ప్ర‌దేశ్‌లో జ‌రిగిన ఈ ఘ‌ట‌న‌కు సంబంధించి పోలీసులు తెలిపిన వివ‌రాలిలా ఉన్నాయి.

దతియా జిల్లాలోని రెండా గ్రామంలో ప్రకాశ్ దంగి, ప్రీతం పాల్ అనే వ్యక్తుల మధ్య పశుగ్రాసం విషయంలో మూడు రోజుల క్రితం గొడవ జరిగింది. ఈ క్రమంలో ప్రీతంను ప్రకాశ్ చెంపదెబ్బ కొట్టాడు. దీనిపై దంగి, పాల్ వర్గాల వారు పరస్పరం పోలీస్ స్టేషన్లలో ఫిర్యాదులు చేసుకున్నారు. పోలీసులు ఈ కేసుల్లో ద‌ర్యాప్తు చేస్తూ ఇరువర్గాల మ‌ధ్య ఆగ్ర‌హావేశాలు త‌గ్గించి.. సామ‌రస్యం పెంచేందుకు ప్ర‌య‌త్నిస్తున్నారు.

అయితే ఇంత‌లోనే బుధ‌వారం మ‌రోసారి రెండు వ‌ర్గాల వారూ గొడ‌వ ప‌డ్డారు. ఈ క్ర‌మంలో ప‌ర‌స్ప‌రం కాల్పులు జ‌రుపుకున్నారు. ఈ ఘ‌ట‌న‌లో ఐదుగురు మృతిచెంద‌గా, 8 మంది తీవ్రంగా గాయ‌ప‌డ్డారు. క్ష‌త‌గాత్రుల‌ను ఆస్ప‌త్రికి త‌ర‌లించి చికిత్స అందిస్తున్నారు. పోలీసులు ఈ ఘ‌ట‌న‌పై కేసు న‌మోదు చేసి ద‌ర్యాప్తు చేస్తున్నారు.