టీటీడీపీ కొత్త బాస్ ఎవరు? బాబు కసరత్తు..!
టీటీడీపీ అధ్యక్షుడు ఎల్. రమణ ఆ పార్టీకి రాజీనామా చేసిన విషయం తెలిసిందే. ఆయన వెళ్లిపోవడంతో టీడీపీ ఖాళీ అయిపోతుందని అంతా భావించారు. ఇవాళ టీడీపీ అధినేత చంద్రబాబు పార్టీ ముఖ్యనాయకులతో సమావేశం అయ్యారు. కొత్త అధ్యక్షుడి ఎంపిక విషయంలో చర్చించారు. ఈ సమావేశంలో టీటీడీపీ నేతలు రావుల చంద్రశేఖర్రెడ్డి, జోత్స్న, నన్నూరి నర్సిరెడ్డి, అశోక్ గౌడ్ తదితరులు హాజరయ్యారు. రమణ టీఆర్ఎస్లో చేరిన సందర్భంగా ఎర్రబెల్లి దయాకర్రావు మాట్లాడుతూ.. త్వరలో టీటీడీపీ టీఆర్ఎస్లో విలీనం చేసేందుకు […]
టీటీడీపీ అధ్యక్షుడు ఎల్. రమణ ఆ పార్టీకి రాజీనామా చేసిన విషయం తెలిసిందే. ఆయన వెళ్లిపోవడంతో టీడీపీ ఖాళీ అయిపోతుందని అంతా భావించారు. ఇవాళ టీడీపీ అధినేత చంద్రబాబు పార్టీ ముఖ్యనాయకులతో సమావేశం అయ్యారు. కొత్త అధ్యక్షుడి ఎంపిక విషయంలో చర్చించారు. ఈ సమావేశంలో టీటీడీపీ నేతలు రావుల చంద్రశేఖర్రెడ్డి, జోత్స్న, నన్నూరి నర్సిరెడ్డి, అశోక్ గౌడ్ తదితరులు హాజరయ్యారు. రమణ టీఆర్ఎస్లో చేరిన సందర్భంగా ఎర్రబెల్లి దయాకర్రావు మాట్లాడుతూ.. త్వరలో టీటీడీపీ టీఆర్ఎస్లో విలీనం చేసేందుకు ప్రయత్నిస్తానని ప్రకటించారు.
దీంతో చంద్రబాబు అలర్ట్ అయినట్టు సమాచారం. అర్జెంట్గా ఓ అధ్యక్షుడిని నియమించాలని ఆయన భావిస్తున్నారట. మరోవైపు పార్టీ సారథి అయ్యేందుకు నర్సిరెడ్డి ఉత్సాహం కనబరుస్తున్నారు. ఆయన మంచి మాటకారి. పలు సమావేశాల్లో ఆయన ఉపన్యాసాలు టీడీపీ శ్రేణులను ఆకట్టుకున్నాయి. సోషల్ మీడియాలోనూ ఆయనకు మంచి క్రేజ్ ఉంది. కానీ చంద్రబాబు నాయుడు మాత్రం బీసీ నేతను పార్టీ అధ్యక్షుడిని చేయాలని భావిస్తున్నారని సమాచారం.
ఇక ఈ సమావేశానికి కొందరు నాయకులు డుమ్మా కొట్టడం చర్చనీయాంశం అయ్యింది. ప్రస్తుతం తెలంగాణలో టీడీపీ ఖాళీ అయ్యింది. అక్కడక్కడా కొందరు కార్యకర్తలు, వృద్ధ నాయకులు ఉన్నారు. దీంతో ఎవరినో ఒకరిని సారథిగా నియమించి.. పార్టీ ఉనికి ఉండేలా చూసుకోవాలని చంద్రబాబు భావిస్తున్నారట.