భార‌త దేశ‌పు మొట్ట‌మొద‌టి మిస్ట‌ర్ వ‌ర‌ల్డ్...హైద‌రాబాద్ వాసి!

భార‌త‌దేశంనుండి మొట్ట‌మొద‌టి సారి హైద‌రాబాద్‌కు చెందిన రోహిత్ ఖండేల్వాల్ మిస్ట‌ర్ వ‌ర‌ల్డ్‌గా ఎంపికయ్యాడు. ఇంగ్లాండ్‌లోని సౌత్‌పోర్ట్ థియేట‌ర్‌లో జరిగిన మిస్టర్‌ వరల్డ్‌ ఫైనల్స్‌లో 46మంది అభ్య‌ర్థుల‌తో పోటీప‌డి అత‌ను 2016 మిస్ట‌ర్ వ‌ర‌ల్డ్ టైటిల్‌ని సాధించాడు. రోహిత్ 2015లో మిస్టర్‌ ఇండియాగా ఎంపికయ్యాడు. 26 ఏళ్ల రోహిత్ ఖండేల్వాల్ మోడ‌ల్‌, టివి న‌టుడు కూడా. ప‌లు హిందీ సీరియ‌ల్స్‌లో న‌టించాడు. బాలివుడ్ న‌టి క‌రీనా క‌పూర్‌తో క‌లిసి ఓ యాడ్‌లో క‌నిపించాడు.

ప్ర‌పంచ‌వ్యాప్తంగా పోటీప‌డిన అభ్య‌ర్థులతో సంవ‌త్స‌రం పాటు జ‌రిగిన‌ వివిధ పోటీల్లో పాల్గొని చివ‌రికి మంగ‌ళ‌వారం నాడు జ‌రిగిన గ్రాండ్ ఫినాలేలో రోహిత్ మిస్ట‌ర్ ఇండియా టైటిల్‌ని సొంతం చేసుకున్నాడు. అవార్డు కింద రోహిత్‌ 50వేల డాలర్ల నగదు బహుమతిని అందుకున్నాడు. అరోరా డిగ్రీ కాలేజిలో గ్రాడ్యుయేష‌న్ చేసిన రోహిత్, స్పైస్ జెట్‌లో గ్రౌండ్ స్టాఫ్‌గా ప‌నిచేశాడు. త‌రువాత డెల్ కంప్యూట‌ర్స్ లోనూ ప‌నిచేశాడు. యెహ్ హై ఆషికీ, ప్యార్ ట్యూన్ క్యా కియా టివి సీరియ‌ల్స్ ద్వారా న‌టుడిగా గుర్తింపు పొందాడు. అత‌ను భార‌త్ నుండే కాక ఆసియా దేశాల్లోనే మొట్ట‌మొద‌టి సారి ఈ టైటిల్‌ని సాధించిన వ్య‌క్తి కావ‌టం విశేషం.