కేసీఆర్ చరిత్రలో చిరస్థాయిగా నిలిచిపోతారు : ఏపీ మంత్రి ప్రశంసలు

తెలంగాణ ముఖ్యమంత్రి కేసీఆర్ పై ఆంధ్రప్రదేశ్ రవాణాశాఖ మంత్రి విశ్వరూప్ ప్రశంసల వర్షం గుప్పించారు. కేసీఆర్ చరిత్రలో చిరస్థాయిగా నిలిచిపోతారని ఆయన అన్నారు.

యాదగిరిగుట్ట లక్ష్మీనరసింహస్వామిని ఈ రోజు విశ్వరూప్ దర్శించుకున్నారు. అనంతరం మంత్రి మీడియాతో మాట్లాడుతూ తనకు ఆరోగ్యం బాగాలేనప్పుడు స్వామి వారికి మొక్కుకొని ముంబయికి వెళ్లి శస్త్ర చికిత్స చేయించుకున్నానని, తన ఆరోగ్యం బాగుపడటంతో మొక్కు చెల్లించుకునేందుకు ఈ రోజు వచ్చానని చెప్పారు. త్వరలోనే మళ్ళీ కుటుంబ సమేతంగా స్వామి వారిని దర్శించుకుంటానన్నారు విశ్వరూప్.

ప్రపంచమే అబ్బురపడే విధంగా యాదాద్రి పుణ్యక్షేత్రాన్ని ముఖ్యమంత్రి కేసీఆర్ అద్భుతంగా పునర్మించారని మంత్రి విశ్వరూప్ అన్నారు. యాదగిరిగుట్ట ఆలయ పునర్నిర్మాణంతో ముఖ్యమంత్రి కేసీఆర్ చరిత్రలో చిరస్థాయిగా నిలిచిపోతారని ఆయన ప్రశంసించారు. .