TSPSC పేపర్ లీక్ వ్యవహారంపై కేసీఆర్ సీరియస్... ఉన్నత స్థాయి సమావేశం

TSPSC పేపర్ లీక్ వ్యవహారం రాష్ట్రంలో సంచలనం సృష్టిస్తోంది. పేపర్ లీక్ కేసులో రోజుకో కొత్త విషయం వెలుగు చూస్తోంది. TSPSC పలు ఎగ్జామ్స్ ను రద్దు చేసింది. మరో వైపు ప్రతిపక్షాలు ఈ వ్యవహారంపై ఆందోళనలు నిర్వహిస్తున్నాయి.

ఈ వ్యవహారంపై ముఖ్యమంత్రి కేసీఆర్ ఆగ్రహంగా ఉన్నట్టు సమాచారం. ఎన్నడూ లేని విధంగా TSPSC లో ఇలా పేపర్లు లీక్ అవడం ఆయనను అసహనానికి గురిచేసిందని చెప్తున్నారు.

ఈనేపథ్యంలో ఆయన ఈ రోజు ప్రగతి భవన్ లో ఉన్నత స్థాయి సమావేశం ఏర్పాటు చేశారు. ఛీఫ్ సెక్రటరీ శాంతి కుమారి, మంత్రులు కేటీఆర్, హరీశ్ రావు, TSPSC చైర్మెన్ జనార్ధన్ రెడ్డి, మాజీ చైర్మెన్ చక్రపాణితో సహా పలువురు ఉన్నతాధికారులు ఈ సమావేశంలో పాల్గొన్నారు.

TSPSC చైర్మెన్ జనార్ధన్ రెడ్డి రాజీనామాచేయాలన్న డిమాండ్ వినిపిస్తున్న నేపథ్యంలో ఈ సమావేశం జరుగుతుండటం ఉత్కంటను కలిగిస్తోంది. ఈ సమావేశంలో TSPSCకి సంబంధించి పలు ముఖ్య నిర్ణయాలు తీసుకోనున్నారని సమాచారం.