రేపు ఢిల్లీకి సీఎం రేవంత్‌రెడ్డి
ముఖ్యమంత్రి రేవంత్‌రెడ్డి హస్తిన పర్యటన మరోసారి ఖరారు అయింది. రేపు ఉదయం ఢిల్లీకి బయలుదేరి వెళ్లనున్నారు.
సీఎం రేవంత్‌రెడ్డి హస్తిన పర్యటన మరోసారి ఖరారు అయింది. రేపు ఉదయం ఢిల్లీకి బయలుదేరి వెళ్లనున్నారు. ఏఐసీసీ పెద్దలతో ఆయన భేటీ కానున్నారు. ఈ సందర్భంగా ఎమ్మెల్సీ ఎన్నికలతోపాటు కేబినెట్ విస్తరణపై పార్టీ పెద్దలతో ఆయన సమావేశం కానున్నారు. మరోవైపు ముఖ్యమంత్రి ఢిల్లీకి పయనం కావడం తెలంగాణ రాజకీయ వర్గాల్లో తీవ్ర చర్చనీయాంశంగా మారింది. రాష్ట్రంలో త్వరలో ఎమ్మెల్సీ ఎన్నికలు షెడ్యూల్ విడుదల కానుంది.
ఈ నేపథ్యంలో సీఎం రేవంత్ ఢిల్లీ టూర్.. రాష్ట్ర పార్టీ నేతల్లో తీవ్ర ఆసక్తికరంగా మారింది. ఈ ఎమ్మెల్సీ ఎన్నికల్లో పార్టీ తరుపున బరిలో దిగేందుకు చాలా మంది ఆసక్తి కనబరుస్తున్నారు. దీంతో ఆయా ఆశావాహుల్లో తీవ్ర ఉత్కంఠ నెలకొంది. ఢిల్లీలో పర్యటన ముగించుకున్న అనంతరం సీఎం రేవంత్ రెడ్డి మహారాష్ట్ర వెళ్లనున్నారని తెలుస్తుంది. రెండు రోజుల పాటు ఆయన మహారాష్ట్రలో ఎన్నికల ప్రచారంలో పాల్గొంటారని పార్టీ నేతలు వెల్లడిస్తున్నారు.