సాగరతీరంలో అబ్బుర పరిచిన నేవీ విన్యాసాలు

నేవీ డే సందర్భంగా శనివారం విశాఖపట్నంలోని ఆర్‌కే బీచ్‌లో ఇండియన్‌ నేవీ నిర్వహించిన విన్యాసాలు అందరినీ ఆకట్టుకున్నాయి. ఈ కార్యక్రమంలో సీఎం చంద్రబాబు నాయుడు, ఇండియన్‌ నేవీ అధికారులు పాల్గొన్నారు. ఈ సందర్భంగా నౌకాదళం తమ ధైర్యసాహసాలను ప్రదర్శించింది. 8 వేల అడుగుల ఎత్తు నుంచి పారాచ్యూట్‌ సాయంతో జాతీయ జెండాతో పాటు నేవీ జెండాను ఎగురవేసి ఔరా అనిపించారు. యుద్ధ విమానాలు, హెలీక్యాప్టర్లతో విన్యాసాలు చేశారు. అక్కడ మోహరింపజేసిన ట్యాంకర్లు, నౌకలు అందరినీ అలరించాయి. సముద్రంలో బంకర్‌ పేలుళ్లను కళ్లకు కట్టినట్టు చూపించారు.