ఈ ఏడాది జొమాటో ఆర్డర్‌లో బిర్యానీ టాప్

ప్రముఖ ఆన్ లైన్ ఫుడ్ డెలివరీ సంస్థ జొమాటో 2024 సంవత్సర ముగింపు నివేదిక విడుదల చేసింది. ఇందులో సంచలన అంశాలు వెలుగులోకి వచ్చాయి. పబ్లిక్ ఈ సంవత్సరం అత్యధికంగా ఆర్డర్ చేసిన ఫుడ్ ఐటెమ్స్ లో బిర్యానీదే నెంబర్ వన్ ప్లేస్ అని జొమాటో పేర్కొన్నాది. 2024లో 9,13,99,110 బిర్యానీ ఆర్డర్లు వచ్చాయని తెలిపింది. ఆ తర్వాత స్థానంలో 5,84,46,908 పిజ్జా ఆర్డర్లు వచ్చాయట.ఇక, రైల్వే టికెటింగ్ పోర్టల్ ఐఆర్ సీటీసీతోనూ జొమాటోకు భాగస్వామ్యం ఉంది. జొమాటో నిర్దేశిత రైల్వే స్టేషన్ల నుంచి, రైలు ప్రయాణికులకు వారు కోరుకున్న ఆహారాన్ని సరఫరా చేస్తుంటుంది.

ఓసారి ఓ వ్యక్తి రైలులో ప్రయాణిస్తూ 120 మంచూరియా కాంబోలు ఆర్డర్ చేశాడని జొమాటో తన నివేదికలో వెల్లడించింది. అయితే అవన్నీ అతడి ఒక్కడి కోసమే కాదట... ఆ కంపార్ట్ మెంట్ లో ఉన్న అందరి కోసం ఆర్డర్ చేశాడని వివరించింది. ఇక, తన నివేదికలో మరికొన్ని ఆసక్తికర అంశాలను కూడా జొమాటో పంచుకుంది. ఢిల్లీకి చెందిన ఓ ఆహార ప్రియుడు ఈ ఏడాది 1,377 రెస్టారెంట్ల నుంచి ఫుడ్ తెప్పించుకున్నాడని తెలిపింది.