అబ్బే.. నేనలా అనలేదు!

పుష్ప -2 సినిమాపై తన వ్యాఖ్యలను వక్రీకరించారని సీనియర్‌ యాక్టర్‌ రాజేంద్ర ప్రసాద్‌ అన్నారు. షష్టిపూర్తి ప్రెస్ మీట్‌లో గతంలో తాను చేసిన కామెంట్స్‌ పై వివరణ ఇచ్చే ప్రయత్నం చేశారు. పుష్ప -2 సినిమాలో హీరో పాత్రపై తన వ్యాఖ్యలను సోషల్‌ మీడియాలో వక్రీకరించారని.. ఇటీవల తాను అల్లు అర్జున్‌ ను కలిసిన సమయంలో ఇదే విషయంపై మాట్లాడుకున్నామని చెప్పారు. ఆ పోస్టింగ్‌ లను చూసి నవ్వుకున్నామన్నారు. సోషల్‌ మీడియాలో వచ్చే ప్రతి అంశాన్ని నెగిటివ్‌ గా చూడొద్దని.. మనం చుట్టూ ఉన్న వ్యక్తుల జీవితాలే వెండితెరపై ప్రతిబింబిస్తూ ఉంటాయన్నారు. లేడీస్‌ టైలర్‌, అప్పుల అప్పారావు లాంటి సినిమాలు అందుకు ఉదాహరణ అని చెప్పారు.