1.తమదు లక్ష్యము చేరుకొరకని
వార్తలొండెడు పత్రికలతో
సత్యమాత్మకు హత్య నిత్యము
భరత సుతుడా మేలుకో !
2. జరిగినల్లరి యథాతథముగ
మరల మరలను టి.వి. చూపగ
కొత్త అల్లరి జరుగుచుండును
భరత సుతుడా మేలుకో !
3. చిన్ని పాపల బూతు పాటలు
పెద్ద పాపల బూతు డ్రెస్సులు
టి.వి. లోపల గొప్ప ప్రోగ్రాం
భరత సుతుడా మేలుకో !
4. చిన్ని బాలలకాయుక్షీణము
కలుగునట్లుగ మెచ్చుకొందురు
పెద్దవారలు టి.వి. లోపల
భరత సుతుడా మేలుకో !
5. న్యాయవాదియు న్యాయస్థానము
తీర్పు చెప్పెడు న్యాయమూర్తియు
గంపగుత్తగ 'మీడియా' యే
భరత సుతుడా మేలుకో !
6. ఓటు కొనడము పెట్టుబడిగా
దేశమమ్మెడు దుకాణాలను
నడుపు వారల పాలనమ్మిది
భరత సుతుడా మేలుకో !
7. ప్రజల ఓటుతో గెలిచియుండియు
ప్రజల ఇష్టము చెల్లదనియెడు
నీచులను మరి తరిమికొట్టగ
భరత సుతుడా మేలుకో !
8. ప్రజలనమ్మెడు వారలందరు
ప్రజలు నమ్మిన పెద్దమనుషులె
ద్రోహమన్నది వృత్తియైనది
భరత సుతుడా మేలుకో !
9. విత్తు సంకరముండవచ్చును
మట్టి సంకరముండ జాలదు
సంకరపు పాలనము వచ్చెను
భరత సుతుడా మేలుకో !
10. దేశమగ్నికి గుండమవగా
చలిని కాగుటకుద్యమించెడు
వారినెల్లరఁదునుము కొరకని
భరత సుతుడా మేలుకో !
- వరిగొండ కాంతారావు