స్వేచ్ఛ

కడలి అలల పుట్టి, గగనానికెగసి,

నీలిమబ్బుగ మారి, నీరు సంతరించి,

చిరుగాలి తాకంగ, తొలకరిగ మారి,

జలజలా నేల జారేను నేను!

స్వేచ్ఛగా నింగి కెగసిన నేను,

రాలేన యిసుకతిన్నెల నింకి పోవ.

పూరేకుల దాగి , వొదిగి సమసేన ?

స్వాతి చినుకుగ మారి ముత్తెమై మెరసేన?

మరల కడలి కలసి, కరగి పోయిన వేళ

అస్తిత్వమేది? ఆకృతి ఏది ?

ఎంచి చూడగ , నిజమైన విలువ ఏది ?

విధాత కరుణన కురిసిన ఈ చిన్ని చినుకు కు

సంపూర్ణ స్వేచ్ఛయే, పరిణితి కాద !!

స్వాతంత్ర్య మే, చిన్నిచినుకు మనోవాంఛయైన

మనిషి మనికేల పరతంత్ర మగుట న్యాయము?

మనిషి మనిషి కి నడుమ మమతల బంధముండ

మరి వేరె స్వర్గద్వారాల వెదకుటేల ??

⁃ ఉమ. ఇయ్యుణ్ణి.( US)