ఆడపిల్లలు

ఆడపిల్లలే అందాల

మందార మాల లవుతారు

అమ్మానాన్నలు అసువులు బాసిన

ఆవేదనతో అశ్రు నివాళులర్పిస్తారు

అత్తగారింటి కెళ్ళినను

అమ్మానాన్నల క్షేమం చూస్తారు

అన్నదమ్ములకు ఆపేక్షతతో

రక్షా బంధన్ కడుతారు

పుట్టినింటికి మెట్టినింటికి

పేరు ప్రతిష్టలు తెస్తారు

ఇంటిపేరు మారినను

ఇంటికి ఇలవేలుపవుతారు

ఆడపిల్లలు సహనానికి ఆనవాళ్లవుతారు

హద్దులు దాటితే అపరకాళి దేవతలవుతారు

ఆడపిల్లలు లేని గృహాలు

అందాలు లేని వనాలు

ఆడది లేని బతుకులు

అడవులు లేని ఎడారులు

కళలకైనా కలలకైనా

కళాత్మకత తో ఉండుటకైనా

కళామ తల్లియే ఆధారం

కళల తల్లికే ఆ హారం

ఆడపిల్లలను కనండి

అనందంగా ఉండండి

ఆడపిల్లలను చదివించండి

ఆ హిమగిరి శిఖరాన్ని అందించండి

భ్రూణ హత్యలను ఖండించండి

భూమాతలను రక్షించండి

అదరకండి బెదరకండి ఆడపిల్లలూ

అదరహో మీరు అదరహో

భలే ఆడపిల్లలూ

- గుడికందుల ప్రకాశం

(హనుమకొండ)