వలపు వీచికలు

ప్రియతమా

నీ కలలతోనే తెరుచుకుంటాయి

నా తలపుల వాకిళ్ళు

నీ చూపుల సందేశాలు

నీ బుగ్గలు పూయిస్తున్న మందారాలు

చెప్పకనే చెబుతున్నాయి

మౌనం మాట్లాడుతుందని

అందుకే నేను ఏనాడూ

నన్ను ప్రేమించమని అడగలేదు

నిన్ను ప్రేమించటానికి

నీ అనుమతి అక్కర్లేదు

ఎందుకంటే నీ మౌనం

నీ మాట కంటే శక్తిమంతం కనుక

చెలీ !

చూడకనే ఓ ఓరగంటి చూపు

ఇటువిసురుతావు

ఆ చూపుకి ఓ గులాబీని తగిలించు

ఓ తేనె సంతకం పెట్టు

ఓ జీవితకాలం ఖైదీనవుతా

నీ ప్రేమకే తలవంచుతా

నేను నేనుగా మిగలని

నీ వవుతా !

-గిడుగు లక్ష్మీదత్ (న్యూజెర్సీ)