సౌభాగ్యవతి

ఉన్నతముగనిల్వు నుర్విలోనయువిద

యెన్నిజన్మలైన యెదురులేదు

జన్మజన్మ లోన జగతిలోన వెలుగు

రాచమార్గమాయె ! రమణిఫథము !

పేగుబంధమైన ప్రేమబంధమునిచ్చు

చెల్లిఅక్కచెలియ చెలువ అమ్మ

అంబరమున సగము అర్థనారీశ్వరా

మెలతముదితమగువ !నెలత మహిళ !

అవనిలోనతాను అబలగాజనియించి

అమ్మతనముపంచు కమ్మగాను

విప్పిచెప్పబోతె విశ్వమెఆమెలో

జననివిలువదెల్పు ! జగము నందు !

సదనమందునడిచె సుగుణాలరూపిణి

తరుణిలేనియెడల దరుణిలేదు

లక్ష్మీవున్నవీధి లక్షణమై యుండును

వీరనారిమణులు ! విశ్వమందు !

౼ బోయ వెంకటేశం

(గోటిగార్ పల్లి ,సంగారెడ్డి జిల్లా)