పసిగట్టండి

ఎప్పట్లానే

మనo చెట్లకు నీళ్ళు పోస్తాం

వాళ్ళు ఫలాలు అందుకో చూస్తారు

ఫలాల రుచి నమిలి

ఇలా

అస్త్రాలు వదులుతున్నారు

ఆ మధ్య

హిందుత్వమని నూరిపోసారు

నిన్న ఇండియా - భారత్ తెరపైకి తెచ్చారు

ఇవాళ

సనాతనమంటూ వస్తున్నారు

రేపు ఇంకోటి...

దేశానికి దేశానికి మధ్య అంతరాలు తొలగి పోతుంటే

మనిషికి మనిషికి మధ్య

అడ్డు వేస్తున్నారు

ఈ రోజుల్లో

కళ్ళుంటే సరిపోదు అంధకారాన్ని చూడగలగాలి

చెవులు ఉంటే సరిపోదు నిశబ్దాన్ని వినగలగాలి

చూసిన దాన్ని, విన్నదాన్ని తర్కించి తెలుసుకోగలగాలి

ఈ సనాతనం

అసలు అర్థం గ్రహించగలగాలి

ఇప్పుడు

సందు సందులో

సనాతనం గురించే మాట్లాడుకోవడం

వాళ్ళకు సరదా కావచ్చు

ఏ స్వలాభాపేక్ష లేనిదిగా సనాతనం నీకు కనిపించవచ్చు

అన్నట్లు

స్వాగతమో, తిరస్కరణో మనకంటూ పెగల్చుకునే గొంతుండాలి

పురజనులారా...

పడమటికి

దూరం తక్కువ కదా

అడుగులు జాగ్రత్తగా వేయండి

-బొప్పెన వెంకటేష్