నాని దుర్మార్గుడు- బాబాయి నాగయ్య ఆందోళన

టీడీపీ ఎంపీ కేశినేని నానికి వ్యతిరేకంగా ఆయన బాబాయి నాగయ్య ఆందోళనకు దిగారు. నాని తన ఆస్తులు కాజేసేందుకు కుట్ర చేస్తున్నారని నాగయ్య ఆరోపిస్తున్నారు. కేశినేని కార్యాలయం పక్కనే నాగయ్య స్థలం ఉంది. అక్కడ ఇంటి నిర్మాణాన్ని నాగయ్య మొదలు పెట్టారు. ఆ స్థలంపై కన్నేసిన కేశినేని నాని దాన్ని కాజేసేందుకు ఎత్తులు వేశారని నాగయ్య చెబుతున్నారు.

తన ఇంటి నిర్మాణం అక్రమమంటూ కార్పొరేషన్‌ అధికారులకు ఫిర్యాదు చేసి నోటీసులు ఇప్పించారని చెబుతున్నారు. కేశినేని నాని దుర్మార్గంగా వ్యవహరిస్తున్నారని.. తన ఆస్తిని కాజేసేందుకు సంతకాలను ఫోర్జరీ చేసి డాక్యుమెంట్లు సృష్టించేందుకు ప్రయత్నిస్తున్నారని ఆరోపించారు. ఇప్పటికే పోలీసులకు, అధికారులకు ఫిర్యాదు చేసినా పట్టించుకోవడం లేదన్నారు.

తనకు ఈ విషయంలో న్యాయం చేయకపోతే ఆత్మహత్య చేసుకుంటానని హెచ్చరించారు. కేశినేని నాని కార్యాలయం ముందే నాగయ్య ఆందోళనకు దిగారు. నాని దీనిపై ఇంకా స్పందించలేదు.

ALSO READ: శ్రీవాణి ట్రస్ట్ పై అసత్య ప్రచారం.. కేసుల నమోదుకు టీటీడీ నిర్ణయం..