సాగర్లో బీజేపీకి బిగ్షాక్..!
నాగార్జున సాగర్ ఉప ఎన్నికలో భారతీయ జనతాపార్టీకి గట్టి షాక్ తగిలింది. ఆ పార్టీ నుంచి టికెట్ ఆశించి భంగపడ్డ కంకణాల నివేదిత రెడ్డి, కడారి అంజయ్య యాదవ్ బీజేపీకి గుడ్బై చెప్పనున్నారు. వాళ్లు త్వరలోనే సీఎం కేసీఆర్ సమక్షంలో టీఆర్ఎస్లో చేరబోతున్నట్టు సమాచారం. టికెట్ రాకపోవడంతో ఈ ఇద్దరు నేతలు తీవ్ర అసంతృప్తి చెందారు. సాగర్ ఉప ఎన్నికకు నోటిఫికేషన్ రాకముందు నుంచే వీళ్లు ప్రచారం చేసుకున్నారు. నివేదిత రెడ్డి ఓ ప్రచార రథాన్ని కూడా […]
నాగార్జున సాగర్ ఉప ఎన్నికలో భారతీయ జనతాపార్టీకి గట్టి షాక్ తగిలింది. ఆ పార్టీ నుంచి టికెట్ ఆశించి భంగపడ్డ కంకణాల నివేదిత రెడ్డి, కడారి అంజయ్య యాదవ్ బీజేపీకి గుడ్బై చెప్పనున్నారు. వాళ్లు త్వరలోనే సీఎం కేసీఆర్ సమక్షంలో టీఆర్ఎస్లో చేరబోతున్నట్టు సమాచారం. టికెట్ రాకపోవడంతో ఈ ఇద్దరు నేతలు తీవ్ర అసంతృప్తి చెందారు. సాగర్ ఉప ఎన్నికకు నోటిఫికేషన్ రాకముందు నుంచే వీళ్లు ప్రచారం చేసుకున్నారు. నివేదిత రెడ్డి ఓ ప్రచార రథాన్ని కూడా సిద్ధం చేయించుకొని నియోజకవర్గ వ్యాప్తంగా పర్యటించారు.
అయితే బీజేపీ అనూహ్యంగా రవికుమార్ నాయక్ అనే వ్యక్తికి టికెట్ ఇచ్చింది. దీంతో నివేదిత, అంజయ్య యాదవ్ తీవ్ర మనస్తాపానికి గురయ్యారు. నివేదిత రెడ్డి చాలా కాలంగా బీజేపీలో కొనసాగుతున్నారు. ఆమె భర్త శ్రీధర్రెడ్డి .. నల్లగొండ జిల్లా బీజేపీ అధ్యక్షుడిగా పార్టీ బలోపేతానికి కృషి చేశారు.
గత ఎన్నికల్లో నివేదిత బీజేపీ తరఫున పోటీచేశారు. త్వరలో ఆమె సీఎం కేసీఆర్ సమక్షంలో టీఆర్ఎస్లో చేరబోతున్నట్టు సమాచారం. ఇదిలా ఉంటే ఈ పరిణామంతో రాష్ట్ర బీజేపీ ఒక్కసారిగా షాక్కు గురైంది. అయితే ప్రస్తుతం ఈ ఇద్దరు నేతలను బుజ్జగించే పనిలో పడింది బీజేపీ హై కమాండ్. సాగర్ నియోజకవర్గంలో యాదవ ఓట్లు అధిక శాతం ఉన్నాయి. ఇక్కడ బీజేపీ.. నుంచి కడారి అంజయ్య యాదవ్ టికెట్ను ఆశించారు. కానీ ఆయనకు కూడా టికెట్ దక్కలేదు.
ఇక్కడ ఈసారి విభిన్న తరహాలో ఎన్నికలు జరగబోతున్నాయి. మూడు ప్రధాన పార్టీలు .. మూడు విభిన్న సామాజికవర్గాలకు టికెట్లు ఇచ్చారు. టీఆర్ఎస్ యాదవ సామాజిక వర్గానికి టికెట్ ఇవ్వగా.. కాంగ్రెస్ సీనియర్ నేత జానారెడ్డికి టికెట్ ఇచ్చిన విషయం తెలిసిందే. మరోవైపు బీజేపీ మాత్రం అనూహ్యంగా జనరల్ సీటులో ఎస్టీ సామాజికవర్గానికి చెందిన రవికుమార్ యాదవ్ను రంగంలోకి దించింది. అయితే సాగర్లో సామాజిక సమీకరణాలు పనిచేస్తాయో లేదో వేచి చూడాలి.