వైసీపీలోకి శిద్దా రాఘవ

తెలుగుదేశం పార్టీకి వరుసగా భారీగా షాక్‌లు తగులుతున్నాయి. ప్రకాశం జిల్లాలో మరో భారీ వికెట్ పడుతోంది. మాజీ మంత్రి శిద్ధా రాఘవరావు నేడు వైసీపీలో చేరేందుకు రంగం సిద్ధమైంది. ఆయన టీడీపీకి రాజీనామా చేశారు.

బుధవారం కుటుంబసభ్యులతో కలిసి ఆయన జగన్‌ సమక్షంలో వైసీపీలో చేరనున్నారు. ఇప్పటికే ఆయన సోదరులు వైసీపీలో చేరారు.

కొన్ని నెలల క్రితం నుంచే శిద్ధా వైసీపీలో చేరుతారంటూ ప్రచారం జరుగుతోంది. కానీ ఆ మధ్య ఆయన సోదరులు మాత్రమే వైసీపీలో చేరారు. మంత్రి బాలినేని శ్రీనివాస్‌ రెడ్డితో శిద్ధా రాఘవరావు చర్చలు కూడా ముగిశాయి.

ఇప్పటికే ప్రకాశం జిల్లాలో టీడీపీ ఎమ్మెల్యే కరణం బలరాం ఆ పార్టీకి గుడ్‌బై చెప్పేశారు. ఇప్పుడు శిద్దా రాఘవరావు కూడా పార్టీని వీడుతుండడంతో టీడీపీ శ్రేణులు కలవరపడుతున్నాయి.