బీచ్ హౌజ్ లో ప్రభాస్

తెలుగు హీరోలంతా రకరకాల రంగాల్లో పెట్టుబడులు పెడుతుంటారు. రామ్ చరణ్ కు చాలా రకాల బిజినెస్ లు ఉన్నాయి. విమానయాన సంస్థ, గుర్రపు రాంచీలు, ప్రొడక్షన్.. ఇలా చాలా ఉన్నాయి. అటు సందీప్ కిషన్ కు రెస్టారెంట్లు ఉన్నాయి. బన్నీకి కూడా పబ్ తో పాటు పలు వ్యాపారాలున్నాయి. ఈ లిస్ట్ లో ప్రభాస్ కూడా ఉన్నాడు. ప్రభాస్ కూడా వ్యాపారాలు చేస్తాడు. కానీ ఒకే రంగంలో. అవును.. ఈ హీరోకు భూములు, ఇల్లు కొనడం ఇష్టం. తన యూవీ క్రియేషన్స్ పార్టనర్స్ తో కలిసి రియల్ ఎస్టేట్ కూడా చేస్తుంటాడు.

ఇప్పుడీ హీరోను ఓ బీచ్ హౌజ్ ఎట్రాక్ట్ చేసింది. చెన్నైలోని మెరీనా బీచ్ కు అత్యంత సమీపంలో ఉన్న ఓ బీచ్ హౌజ్ ను కొనేందుకు ప్రభాస్ రెడీ అవుతున్నాడు. ఓ తమిళ హీరో, ఈ హౌజ్ కు సంబంధించిన వీడియోను ప్రభాస్ కు షేర్ చేశాడట. లొకేషన్, ప్రాపర్టీ బాగా నచ్చడంతో.. ప్రస్తుతం ఆలోచనలో పడ్డాడు రెబల్ స్టార్.

ప్రస్తుతం మార్కెట్ వాల్యూ ప్రకారం.. ఈ బీచ్ హౌజ్ ధర అటుఇటుగా 50 కోట్ల రూపాయలు ఉండొచ్చని ఓ అంచనా. అయితే దీనిపై ప్రభాస్ ఇంకా ఎలాంటి నిర్ణయం తీసుకోలేదు.