కిషన్‌ రెడ్డితో వల్లభనేని వంశీ భేటీ...

గన్నవరం టీడీపీ ఎమ్మెల్యే వల్లభనేని వంశీ … కేంద్ర మంత్రి కిషన్‌ రెడ్డిని కలిశారు. కృష్ణా జిల్లాకు వచ్చిన కిషన్ రెడ్డితో వల్లభనేని వంశీ ప్రత్యేకంగా సమావేశం అయ్యారు. ఇద్దరూ కలిసి స్వర్ణభారతి ట్రస్ట్ నిర్వహించిన కార్యక్రమంలో కూడా పాల్గొన్నారు.

వెంకయ్యనాయుడు కుటుంబానికి చెందిన స్వర్ణభారతి ట్రస్ట్‌ కార్యక్రమంలో పాల్గొనేందుకు కిషన్ రెడ్డి వచ్చారని.. అందుకే వంశీ ఆయన్ను కలిశారని అనుచరులు చెబుతున్నారు. అయితే ఈ భేటీని సాధారణ భేటీగా చూడలేమని టీడీపీ నేతలంటున్నారు.

కొంతకాలంగా టీడీపీకి చెందిన ఎమ్మెల్యేలు బీజేపీలో చేరబోతున్నారని వార్తలొస్తున్నాయి. ఆ జాబితాలో వల్లభనేని వంశీ పేరు కూడా వినిపించింది.

పైగా నలుగురు రాజ్యసభ టీడీపీ ఎంపీలను బీజేపీలో చేర్చుకున్నతర్వాత కూడా కిషన్‌ రెడ్డితో భేటీ అవడంపై టీడీపీ నేతలు అనుమానం వ్యక్తం చేస్తున్నారు.