చర్చనీయాంశమైన చంద్రబాబు అప్పడాలు

ఎన్నికల వేళ పబ్లిసిటీ కోసం ఉన్న ఏ ఒక్క అవకాశాన్ని వదులుకోవడం లేదు తెలుగుదేశం పార్టీ. చిత్తూరు జిల్లాలో తెలుగు తమ్ముళ్లు మరో అడుగు ముందుకేశారు.

ఫించన్ల పంపిణీ సందర్బంగా భోజనాలు ఏర్పాటు చేసి … ఆ భోజనాల్లోనూ బాబును తలుచుకునేలా చేశారు. ముద్ద ముద్దకు బాబును తలుచుకోవాల్సిందే అన్నట్టు చేశారు. అప్పడాలపై ఏకంగా చంద్రబాబు ఫొటోను ముద్రించారు.

”థ్యాంక్యూ సీఎం సర్‌” అంటూ ప్రతి అప్పడం పైనా చంద్ర‌బాబు ఫొటోను ముద్రించారు. ల‌డ్డూల‌ పైనా అదే తరహాలో చంద్రబాబు ఫొటోలు ముద్రించారు. దీంతో అక్కడికి వచ్చిన వారంతా అవాక్కయ్యారు. ఇదేం పబ్లిసిటీ పిచ్చిరా బాబోయ్ అంటూ కంగుతిన్నారు.