తిరుమలలో మూడు వజ్ర కిరీటాలు మాయం.. విలువ వందల కోట్లు

తిరుమలలో మరో విపరీత ఘటన చోటు చేసుకుంది. తిరుమలలో గోవిందరాజుస్వామి ఆలయంలో మూడు వజ్ర కిరీటాలు మాయమయ్యాయి.

పురాతనమైన ఈ కిరీటాలను విలువ కట్టలేం కానీ వీటి విలువ వందల కోట్లలో ఉంటుందని చెబుతున్నారు. వజ్రాలతో పొదిగిన కిరీటాలు ఇవి. కిరీటాలు మాయమైన విషయాన్ని తొలుత గోప్యంగా ఉంచేందుకు ప్రయత్నించినా విషయం బయటకు రావడంతో కలకలం రేగింది.

కిరీటాల మాయంపై విజిలెన్స్‌ సిబ్బంది దర్యాప్తు మొదలుపెట్టారు. సీసీ ఫుటేజ్ ఆధారంగా ఆరా తీస్తున్నారు. నిందితుల కోసం ఆరు గాలింపు బృందాలను రంగంలోకి దింపారు.

శనివారం సాయంత్రం 5.45 నిమిషాల సమయంలో కిరీటాలు మాయమయ్యాయి.ఇప్పటి వరకు చిన్నచిన్న దొంగతనాలు జరిగాయే గానీ… ఇలా ఏకంగా మూడు వజ్రకిరీటాలు మాయమవడం చరిత్రలో ఎన్నడూ లేదంటున్నారు.