నారా దేవాన్ష్ పేరుతో కాలనీ, ప్రారంభించనున్న సీఎం

ఏపీ ముఖ్యమంత్రి చంద్రబాబునాయుడు నేడు కృష్ణా జిల్లా పామర్రు మండలం కొమరవోలు గ్రామంలో పర్యటించనున్నారు. ఈ గ్రామాన్ని నారా భువనేశ్వరి దత్తతు తీసుకున్నారు. గ్రామంలో ప్రభుత్వం దాదాపు 10 కోట్లతో అభివృద్ధి పనులు చేపట్టింది.

54 ఎన్టీఆర్‌ గృహాలను నిర్మించారు. చంద్రబాబు కుటుంబసమేతంగా ఇక్కడికి వస్తుండడంతో భారీగా ఏర్పాట్లు చేశారు. కొమరవోలు గ్రామాన్ని పసుపు రంగు తోరణాలతో నింపేశారు.

ఇక్కడ విశేషం ఏమిటంటే తొలి దశలో నిర్మించిన 54 ఎన్టీఆర్ గృహాల సముదాయానికి చంద్రబాబునాయుడు మనవడు నారా దేవాన్ష్‌ కాలనీగా నామకరణం చేశారు. ఈ కాలనీని చంద్రబాబు ప్రారంభంచనున్నారు. నారా దేవాన్ష్ కాలనీ ప్రారంభోత్సవంలో జిల్లా అధికారులు, టీడీపీ ప్రజాప్రతినిధులు పాల్గొంటారు.