మళ్లీ మీరే సీఎం....
టీఆర్‌ఎస్‌ తిరిగి అధికారం చేపడుతుందని ఎంఐఎం అధినేత అసదుద్దీన్ ఓవైసీ అభిప్రాయపడ్డారు. ఆపద్ధర్మ ముఖ్యమంత్రి కేసీఆర్‌కు ఫోన్‌ చేసి ఓవైసీ అభినందించారు. మీ వ్యూహం ఫలించింది. తిరిగి మీరే ముఖ్యమంత్రి కాబోతున్నారని ఓవైసీ… కేసీఆర్‌తో చెప్పారు. ప్రభుత్వ ఏర్పాటుకు కావాల్సిన వాటి కంటే ఎక్కువ సీట్లే టీఆర్‌ఎస్‌కు వస్తున్నాయని కేసీఆర్ వద్ద ఫోన్‌లో ఓవైసీ అభిప్రాయపడ్డారు. మైనార్టీలు అధికంగా ఉన్న చోట ఏకపక్షంగా టీఆర్‌ఎస్‌కు ఫలితాలు వస్తాయని విశ్లేషించారు. ఓవైసీ ఫోన్‌కాల్‌కు కేసీఆర్ కృతజ్ఞతలు తెలిపారు. టీఆర్‌ఎస్‌కు […]
టీఆర్‌ఎస్‌ తిరిగి అధికారం చేపడుతుందని ఎంఐఎం అధినేత అసదుద్దీన్ ఓవైసీ అభిప్రాయపడ్డారు. ఆపద్ధర్మ ముఖ్యమంత్రి కేసీఆర్‌కు ఫోన్‌ చేసి ఓవైసీ అభినందించారు. మీ వ్యూహం ఫలించింది. తిరిగి మీరే ముఖ్యమంత్రి కాబోతున్నారని ఓవైసీ… కేసీఆర్‌తో చెప్పారు.
ప్రభుత్వ ఏర్పాటుకు కావాల్సిన వాటి కంటే ఎక్కువ సీట్లే టీఆర్‌ఎస్‌కు వస్తున్నాయని కేసీఆర్ వద్ద ఫోన్‌లో ఓవైసీ అభిప్రాయపడ్డారు. మైనార్టీలు అధికంగా ఉన్న చోట ఏకపక్షంగా టీఆర్‌ఎస్‌కు ఫలితాలు వస్తాయని విశ్లేషించారు.
ఓవైసీ ఫోన్‌కాల్‌కు కేసీఆర్ కృతజ్ఞతలు తెలిపారు. టీఆర్‌ఎస్‌కు ఎంఐఎం మద్దతు ఇవ్వడం, టీఆర్‌ఎస్‌కు అనుకూలంగా ప్రచారం చేయడం పట్ల ధన్యవాదాలు తెలిపారు. ఎన్నికల్లో టీఆర్‌ఎస్‌ను ప్రజలు ఆదరించారని… మహాకూటమి కొట్టుకుపోవడం ఖాయమని ఓవైసీ దగ్గర కేసీఆర్ వ్యాఖ్యానించారు.
తెలంగాణ ప్రజలు స్వాభిమానాన్ని చాటారని.. ఊహించిన దాని కంటే గొప్ప విజయాన్ని కైవసం చేసుకోబోతున్నామని చెప్పారు. ఏ ఒక్క స్థానంలో కూడా కాంగ్రెస్‌ కూటమి గెలుస్తామని ధీమాగా చెప్పలేని పరిస్థితి ఉందని ఓవైసీ వద్ద కేసీఆర్ వ్యాఖ్యానించారు.