పుష్కరుడి సాక్షిగా బాబుపై లక్ష్మీపార్వతి శపథం

ఎన్టీఆర్‌కు వెన్నుపోటు పొడవడానికి తనను సాకుగా చూపిన చంద్రబాబుపై ఎన్టీఆర్ సతీమణి లక్ష్మీపార్వతి ఇంకా కోపం తగ్గినట్టుగా లేదు. చంద్రబాబు పేరు వింటే చాలు ఆమె రగిలిపోతున్నారు. తాజాగా ఆమె నల్లగొండ జిల్లా చందంపేటలో కృష్ణాపుష్కరస్నానం చేశారు. తన సోదరి గాయత్రితో కలిసి ఆమె పుష్కరస్నానమాచరించారు. లక్ష్మీ పార్వతి రాకను గమనించిన మీడియా ప్రతినిధులు కొందరు ఆమె వద్దకు వెళ్లి పలకరించారు. పుష్కర స్నానం కోసం ఇక్కడికే రావడం వెనుక కారణమేంటని ప్రశ్నించారు.

అంతే లక్ష్మీపార్వతి చంద్రబాబుపై విరుచుకుపడ్డారు. చంద్రబాబు సీఎంగా ఉన్నంత కాలం తాను ఆంధ్రాలో పుష్కరస్నానం చేసే ప్రసక్తే లేదని శపథం చేశారు. మొన్నటి గోదావరి పుష్కరాల సమయంలోనూ తాను ఖమ్మం జిల్లాలోనే స్నానం చేశాను గానీ ఏపీకి వెళ్లలేదని గుర్తు చేశారు. కృష్టా పుష్కరాల కోసం తెలంగాణ ప్రభుత్వం చేసిన ఏర్పాట్లు బాగా ఉన్నాయని చెప్పారామె. మొత్తం మీద చంద్రబాబుపై లక్ష్మీపార్వతికి కోపం, కసి ఆశామాషీగా లేదు. చంద్రబాబు సీఎంగా ఉన్నారన్న కారణంతో ఆమె ఏపీలో పుష్కరాలకు కూడా వెళ్లడంలేదంటే ఇది మామూలు కోపం కాదు. చూడాలి లక్ష్మీపార్యతి శపథం ఎప్పుడు నెరవేరుతుందో!.

Click on Image to Read: