మ‌న‌సులో మాట చెప్పిన టీజీ
కాంగ్రెస్ హ‌యాంలో ఒక వెలుగు వెలిగిన మాజీ మంత్రి టీజీ వెంక‌టేష్ ఈ మ‌ధ్య పెద్ద‌గా క‌నిపించ‌డం లేదు. అయితే టీడీపీ క‌ర్నూలు నియోజ‌క‌వ‌ర్గ కార్య‌క‌ర్త‌ల స‌మావేశంలో టీజీ వెంక‌టేష్ త‌న కోరిక బ‌య‌ట‌పెట్టారు. ఏకంగా రాజ్య‌స‌భ‌పై క‌న్నేశారు. రాజ్య‌స‌భ‌కు వెళ్లాల‌ని ఉంద‌ని చెప్పారు. తాను చేస్తున్న సేవ‌ల‌ను గుర్తించి చంద్ర‌బాబు త‌న‌ను రాజ్య‌స‌భ‌కు పంపుతార‌ని ఆశిస్తున్నాన‌ని కార్య‌క‌ర్త‌ల స‌మావేశంలో వెల్ల‌డించారు. ఈ స‌మావేశానికి ఎమ్మెల్యే ఎస్వీ మోహ‌న్ రెడ్డి కూడా హాజ‌ర‌య్యారు. అయితే టీజీకి ఏకంగా […]
కాంగ్రెస్ హ‌యాంలో ఒక వెలుగు వెలిగిన మాజీ మంత్రి టీజీ వెంక‌టేష్ ఈ మ‌ధ్య పెద్ద‌గా క‌నిపించ‌డం లేదు. అయితే టీడీపీ క‌ర్నూలు నియోజ‌క‌వ‌ర్గ కార్య‌క‌ర్త‌ల స‌మావేశంలో టీజీ వెంక‌టేష్ త‌న కోరిక బ‌య‌ట‌పెట్టారు. ఏకంగా రాజ్య‌స‌భ‌పై క‌న్నేశారు. రాజ్య‌స‌భ‌కు వెళ్లాల‌ని ఉంద‌ని చెప్పారు. తాను చేస్తున్న సేవ‌ల‌ను గుర్తించి చంద్ర‌బాబు త‌న‌ను రాజ్య‌స‌భ‌కు పంపుతార‌ని ఆశిస్తున్నాన‌ని కార్య‌క‌ర్త‌ల స‌మావేశంలో వెల్ల‌డించారు. ఈ స‌మావేశానికి ఎమ్మెల్యే ఎస్వీ మోహ‌న్ రెడ్డి కూడా హాజ‌ర‌య్యారు.
అయితే టీజీకి ఏకంగా రాజ్య‌స‌భ ఎలా ఇస్తార‌న్న దానిపై చ‌ర్చ జ‌రుగుతోంది. కాంగ్రెస్‌లో అధికారం చెలాయించిన టీజీ… తీరా ఎన్నికల ముందు టీడీపీలో చేరారు. కానీ ద‌శాబ్దాల త‌ర‌బ‌డి టీడీపీకి సేవ చేస్తున్న ఎంతో మంది సీనియ‌ర్లు ఉండ‌గా టీజీకి ఎలా అవ‌కాశం ఇస్తార‌ని ప్ర‌శ్నిస్తున్నారు. ఆర్థికంగా చాలా బ‌ల‌మైన వ్య‌క్తి అయిన టీజీ ఆ కోణంలో ఏమైనా న‌రుక్కోస్తున్నారా అన్న అనుమానం కొంద‌రు వ్య‌క్తం చేస్తున్నారు. భ‌విష్య‌త్తులో టీడీపీని వీడేందుకు టీజీ రాజ్య‌స‌భ సాకును సిద్ధం చేసుకుంటున్నారా అని మ‌రికొంద‌రు అనుమానిస్తున్నారు.
Click on Image to Read: