మద్యం మత్తులో మహిళల పట్ల హీరో దురుసు ప్రవర్తన

వర్థమాన నటుడు, ఫేస్‌ బుక్‌ చిత్రం హీరో నండూరి ఉదయ్‌ కిరణ్‌ రెచ్చిపోయారు. మత్తులో ఉన్న ఉదయ్ అలియాస్ బాబీ దసపల్లా హోటల్‌లో హల్‌చల్‌ చేశాడు. హోటల్లో మహిళల పట్ల అసభ్యకరంగా ప్రవర్తించాడు. అడ్డువచ్చిన హోటల్ సిబ్బందిపైనా దాడి చేశాడు. అద్దాలు పగులగొట్టాడు.

ఉదయ్ గతంలో రవితేజ సోదరుడితో కలిసి డ్రగ్ కేసులో అరెస్ట్ అయ్యాడు. ఉదయ్ ప్రవర్తనపై హోటల్ సిబ్బంది పోలీసులకు ఫిర్యాదు చేశారు. దీంతో అతడిని అదుపులోకి తీసుకున్నారు. జూబ్లిహిల్స్ పోలీస్ స్టేషన్‌లోనూ ఉదయ్ రెచ్చిపోయాడు. తనను వేధిస్తే లైవ్‌లో ఆత్మహత్య చేసుకుంటానని బెదిరించాడు. తాను ఏ మహిళ పట్ల అసభ్యకరంగా ప్రవర్తించలేదన్నారు. అమ్మాయిలు తనకు చెల్లెళ్లతో సమానం అన్నాడు. పోలీసులు తన గన్‌మెన్లను కూడా స్టేషన్‌లోకి రానివ్వడం లేదంటూ చెప్పుకొచ్చాడు. ఉదయ్ మద్యంతో పాటు డ్రగ్స్‌ కూడా తీసుకున్నట్టు భావిస్తున్నారు.