మంధాన సెంచరీ..భారత్‌ చేతిలో కివీస్‌ను చిత్తు .. సిరీస్‌ కైవ‌సం

భారత్-న్యూజిలాండ్ మహిళా జట్టు మధ్య జరుగుతున్న మూడో వన్డేలో భారత్ ఘన విజయం సాధించింది. ఈ గెలుపుతో వ‌న్డే సిరీస్ కైవసం చేసుకుంది.స్వ‌ల్ప ఛేద‌న‌లో ఓపెన‌ర్ స్మృతి మంధాన‌(100) సెంచ‌రీతో విరుచుకుప‌డ‌గా.. హ‌ర్మ‌న్‌ప్రీత్ కౌర్(55) అజేయంగా ఉండి జ‌ట్టును విజ‌య తీరాల‌కు చేర్చింది. దాంతో, 6 వికెట్ల తేడాతో గెలుపొందిన టీమిండియా 2-1తో వ‌న్డే సిరీస్ సొంతం చేసుకుంది. అహ్మ‌దాబాద్‌లోని న‌రేంద్ర మోడీ స్టేడియంలో కివీస్ జట్టు 49.5 ఓవర్లు ఆడి 232 పరుగులను సాధించింది.

బ్లాక్ క్యాప్స్ లో బ్రూక్ హాలీడే(86) అర్థ సెంచరీతో ఆదుకున్నారు. అలాగే ప్లిమ్మర్ (39), గేజ్ (25) రాణించారు.ఇక భారత మహిళల జట్టు బౌలర్లలో దీప్తి శర్మ 3, ప్రియా మిశ్రా 2, రేణుక, సైమా ఠాకూర్ లు చెరో వికెట్ తీశారు. టీ20 వ‌ర‌ల్డ్ క‌ప్ సిరీస్ విజేత‌కు భారత్ ఉమెన్ జట్టు షాకిచ్చారు. ప్రపంచ కప్‌లో ఎద‌రైన ఓట‌మికి ప్ర‌తీకారం తీర్చుకుంటూ వ‌న్డే సిరీస్ గెలుచుకున్నారు. సిరీస్ విజేత‌ను నిర్ణ‌యించే మూడో వ‌న్డేలో అద్భుత విజ‌యంతో వ‌న్డే సిరీస్ కైవసం చేసుకుంది.