విడాకులు తీసుకోబోతున్న భారత మాజీ క్రికెటర్

భారత వెటరన్ క్రికెటర్ వీరేంద్ర సెహ్వాగ్ ఆయన భార్య ఆర్తి అహ్లావత్ నుంచి విడాకులు తీసుకోబోతున్నట్టు ఊహాగానాలు వినిపిస్తున్నాయి. మూడేళ్లపాటు ప్రేమించుకున్న వీరిద్దరూ 2004లో పెళ్లి చేసుకున్నారు. వీరికి ఇద్దరు కుమారులు ఉన్నారు. వీరి వైవాహిక జీవితం 20 ఏళ్ల పాటు సజావుగానే సాగింది. కొన్ని నెలల క్రితం ఇద్దరికీ మనస్పర్థలు తలెత్తాయని, కొంత కాలంగా ఇద్దరూ విడివిడిగా ఉంటున్నారని సమాచారం.

గత ఏడాది దీపావళి సందర్భంగా తన కుమారులు, తల్లితో దిగిన ఫొటోలను మాత్రమే సోషల్ మీడియాలో షేర్ చేశాడు. అయితే, విడాకుల అంశంపై వీరూ కానీ, ఆర్తి కానీ ఇంతవరకు అధికారికంగా స్పందించలేదు.సెహ్వాగ్ క్రికెట్ 1999లో భారత్ తరపున అరంగ్రేటం చేశాడు. 2015అక్టోబర్ 20న అంతర్జాతీయ క్రికెట్ తో పాటు ఇండియన్ ప్రీమియర్ లీగ్ (ఐపీఎల్) నుంచి రిటైర్మెంట్ ప్రకటించాడు. తన కెరీర్ లో 104 టెస్టులు, 251 వన్డేలు, 19 టీ20లను ఆడిన సెహ్వాగ్.. 17వేల పైగా పరుగులు చేశాడు.