'ఫ్యూచర్ సీఎం లోకేశ్.. టీజీ భరత్ ఆసక్తికర వ్యాఖ్యలు

ఎవరికి నచ్చిన నచ్చకపోయినా ఏపీకి కాబోయే ముఖ్యమంత్రి లోకేశేనని మంత్రి టీజీ భరత్ అన్నారు. స్విట్జర్లాండ్‌లో జ్యూరిచ్‌లో పారిశ్రామికవేత్తలతో జరిగిన సమావేశంలో ఈ హాట్ కామెంట్స్ చేశారు. దావోస్ పర్యటనలో సీఎం చంద్రబాబు.. మంత్రి నారా లోకేష్ లతో ఉన్న టిజి భరత్ అక్కడ పాల్గొన ఓ కార్యక్రమంలో ఈ రకమైన వ్యాఖ్యలు చేశారు. లోకేష్ ఫ్యూచర్ ఆఫ్ ది పార్టీ అని భరత్ పేర్కొన్నారు. నారా లోకేష్‌ ను ఉప ముఖ్యమంత్రిని చేయాలని టీడీపీ నాయకులు వరుసగా కామెంట్స్ చేస్తున్న విషయం తెలిసిందే.

అయితే ఈ రకమైన కామెంట్స్ పైనే హై కమాండ్ సీరియస్ అయ్యింది. ఇక పై ఈ అంశంపై ఎవరూ మాట్లాడవద్దని ఆదేశాలు జారీ చేసింది హై కమాండ్. ఎవరూ కూడా మీడియా ముందు ఈ కరమైన బహిరంగ ప్రకటనలు చేయవద్దని సూచించింది. కూటమి నేతలు చర్చించుకున్నాకే నిర్ణయాలు ఉంటాయని స్పష్టం చేసిన హై కమాండ్.. వ్యక్తిగత అభిప్రాయాలను పార్టీ పై రుద్దవద్దని తేల్చి చెప్పింది. ప్రస్తుతం టీజీ భరత్ కామెంట్స్ హాట్ టాఫిక్‌గా మారింది